Kúni keshe ǵana qos komanda qandaı quramda óner kórsetetini belgili boldy. Atalǵan básekede Aleksandr Býblıkke aıryqsha senim artylady. Qazirgi kezde ol ATR reıtınginde 26-oryndy ıelenip otyr. 26 jastaǵy jerlesimizdiń eń jaqsy kórsetkishi – 2013 jyly Londonda ótken Ýımbldon týrnıriniń tórtinshi kezeńine deıin jetýi. Sondaı-aq Aleksandr sońǵy kezderi birqatar halyqaralyq dodada táýir nátıje kórsetip júr. Odan bólek, Sofııa kortynda Tımofeı Skatov (jekelegen reıtıngte 132-oryn), Mıhaıl Kýkýshkın (jekelegen reıtıngte 243-oryn), Aleksandr Nedovesov (juptyq reıtıngte 45-oryn) jáne Andreı Golýbev (juptyq reıtıngte 74-oryn) óner kórsetedi.
Jarys qojaıyndarynyń «basty qarýy» – Grıgor Dımıtrov. Álemniń 21 raketkasy atanyp otyrǵan 32 jastaǵy Bolgarııanyń betkeustary kezinde Ýımbldon, US Open jáne Aýstralııanyń ashyq birinshiliginiń jartylaı fınalyna deıin jetip, ATR týrnırlerin segiz ret utqan.
