Foto: 365info.kz
Eldegi alǵashqy atom elektr stansııasy úshin uqsas stansııany salý jáne sátti paıdalaný tájirıbesinde tekserilgen tehnologııany tańdaý usynyldy. Osyǵan baılanysty ıadrolyq tehnologııalardyń mynadaı áleýetti jetkizýshilerinen turatyn «qysqasha-tizim» jasaldy:
- HPR-1000 qytaılyq CNNC kompanııasy;
- APR-1400 reaktory bar koreı KHNP kompanııasy;
- VVER-1200 jáne VVER-1000 reaktorlary bar Reseı Rosatom kompanııasy;
- EPR-1200 reaktory bar fransýz EDF kompanııasy.
Zertteý nátıjeleri 2022 jylǵy mamyrda atom salasyn damytý jónindegi vedomstvoaralyq komıssııanyń otyrysynda qaralǵan jáne maquldanǵan.
«Atom energııasyn paıdalaný týraly» Qazaqstan Respýblıkasy Zańynyń 12-babyna sáıkes ıadrolyq qondyrǵylardy salý jáne salý aýdany týraly sheshimdi aýmaǵynda qondyrǵy salý josparlanyp otyrǵan jergilikti ókildi organdardyń kelisimimen Qazaqstan Respýblıkasynyń Úkimeti qabyldaıdy. Bul rette máslıhat jergilikti ókildi organ bolyp esepteledi.
Osyǵan baılanysty, 2022 jylǵy qarashada Almaty oblysy máslıhatynyń kezekti sessııasynda aýdan turǵyndaryn qoldaý shartymen qurylysqa kelisim berý týraly sheshim qabyldandy.
Osy oraıda, Almaty oblysynyń ákimdigi halyq arasynda jarııa talqylaýlar ótkizedi, Facebook paraqshasynda, sondaı-aq 2023 jyldyń 21 shildesinde resmı saıtta, Instagram-kanalda jáne Jambyl aýdany ákimdiginiń Facebook paraqshasynda jáne buqaralyq aqparat quraldary arqyly, atap aıtqanda Atameken gazetinde (№28) qatysýǵa shaqyrylǵan tıisti habarlandyrýlar jarııalandy.
Bul rette Ekologııalyq kodekske sáıkes ótkiziletin qoǵamdyq tyńdaýlar jobalyq qujattama ázirlengennen keıin jobany ekologııalyq baǵalaý kezeńderinde keıinirek bastamashylyq etiletin bolady.
Keste–qoǵamdyq talqylaýlar men qoǵamdyq tyńdaýlar arasyndaǵy aıyrmashylyq:
|
Qoǵamdyq talqylaýlar |
Qoǵamdyq tyńdaýlar |
|
Maqsaty – jergilikti halyqtyń óz aýmaǵynda AES salý máselesine qatynasyn talqylaý jáne anyqtaý. Anyqtama: máslıhattyń úlgilik reglamentiniń 52-tarmaǵyna sáıkes (Qazaqstan Respýblıkasy Prezıdentiniń 2013 jylǵy 3 jeltoqsandaǵy № 704 Jarlyǵymen bekitilgen) Máslıhattyń turaqty komıssııalary óz bastamasy nemese máslıhattyń sheshimi boıynsha jarııa talqylaýlar júrgize alady. Jarııa talqylaýlar depýtattardyń, atqarýshy organdardyń, jergilikti ózin-ózi basqarý organdarynyń, uıymdardyń, buqaralyq aqparat quraldarynyń, azamattardyń qatysýymen osy komıssııalardyń keńeıtilgen otyrystary nysanynda turaqty komıssııalardyń qaraýyna jatqyzylǵan neǵurlym mańyzdy jáne qoǵamdyq mańyzy bar máselelerdi talqylaý maqsatynda ótkiziledi. |
Maqsaty – AES qurylysy boıynsha jobalyq qujattamany baǵalaý.
Anyqtama: Qazaqstan Respýblıkasy Ekologııalyq Kodeksiniń 96-babyna jáne qoǵamdyq tyńdaýlar ótkizý qaǵıdalarynyń 2-taraýynyń 6-tarmaǵyna sáıkes AES qurylysy jobasyn ekologııalyq baǵalaýdyń barlyq kezeńderinde ótkizilýi múmkin (bekitilgen Qazaqstan Respýblıkasy Ekologııa, Geologııa jáne tabıǵı resýrstar mınıstriniń m. a. 2021 jylǵy 3 tamyzdaǵy № 286 buıryǵymen).
|
AES salý máselesi boıynsha jobany iske asyrý kezeńderi:
1) AES ornalastyrý aýdanyn tańdaý boıynsha zertteý júrgizý;
2) Qoǵamdyq talqylaýlar;
3) Máslıhattyń kelisimi;
4) Ornalastyrý aýdanyn tańdaý týraly Úkimettiń kelisimi;
5) AES tehnologııasyn tańdaý;
6) AES ornalastyrý, jobalaý, salý úshin ınjenerlik izdenis;
7) Jobalaý aldyndaǵy qujattamalardy daıyndaý;
8) Qoǵamdyq tyńdaýlar;
9) Úkimettiń AES salý týraly sheshimi.
