Foto: ashyq derekkóz
Irikteýge ótinimderdi qabyldaý 1 qyrkúıekten bastap pkrezerv.gov.kz saıtynda qoljetimdi bolady. О́tinimder 30 qyrkúıekke deıin qabyldanady.
Irikteýge jasy 35-ten aspaǵan, joǵary bilimi jáne 5 jyl jalpy jumys tájirıbesi bar, qazaq tilin meńgergen (V1 deńgeıinen tómen emes) Qazaqstan Respýblıkasynyń azamaty qatysa alady.
Bıyl irikteý kelesi baǵyttar boıynsha júrgiziledi:
- Infraqurylymdy, ónerkásipti damytý jáne saýda saıasaty;
- Agroónerkásiptik keshen jáne qorshaǵan ortany qorǵaý;
- Syrtqy saıasat jáne ınvestısııalar;
- Ekonomıkalyq jáne qarjylyq saıasat;
- Sıfrlandyrý;
- Áleýmettik saıasat jáne azamattyq qoǵam;.
Irikteý 6 kezeń boıynsha ótkiziledi:
- Qujattardy qabyldaý;
- Mátindik jáne sandyq aqparatpen jumys isteý qabiletin baǵalaý;
- Sıtýasııalyq tapsyrmalardy sheshý;
- Quzyretterdi baǵalaý (Assessment center jáne HR-suhbat);
- Sarapshylyq komıssııada áńgimelesý;
- Ulttyq komıssııa otyrysy.
Irikteý qorytyndysy boıynsha 50 kandıdat rezervke alynady. Jeńimpazdar 2023 jyldyń jeltoqsanynda jarııalanady.
