Foto: ashyq derekkóz
– «Qazaqstan» shahtasynda zardap shekken eki adam Maqajanov klınıkasyna jetkizildi. Qabyldaý bóliminiń dárigerleri naýqastardyń jaǵdaıyn tekserdi. Aldyn ala dıagnoz – shahta gazdarymen jedel ıngalıasııalyq ýlaný, onyń ishinde aýyr kómirtegi totyǵymen ýlaný, toksıko-gıpoksııalyq ensefalopatııa, ýytty bronhıt. Olar reanımasııa bólimshesine jatqyzyldy, - dedi toksıkologııa bólimshesiniń meńgerýshisi, Qaraǵandy oblysynyń bas shtattan tys toksıkology Sáýle Smaǵulova.
Sonymen qatar Shahtınsk ortalyq aýrýhanasyna jetkizilgen kenshilerdiń tórteýine alǵashqy kómek kórsetilgen. Aldaǵy ýaqytta olardy Maqajanov klınıkasynyń toksıkologııalyq bólimshesine aýystyrý josparlanyp otyr.
Eske salaıyq, 17 tamyzda saǵat 10:05-te shahtada konveıer taspasy órtendi. Oqıǵa bolǵan kezde jer astynda 227 adam boldy, onyń 222-si jer betine kóterildi. Beseýin izdestirý jalǵasýda.
