FOTO: inform.kz
Senator «Munaı Fıld Servıs» JShS-ǵa, sport kesheni men jataqhanaǵa arnaıy bardy. Ujymmen kezdesýde jumysshylardyń eńbek sharttaryna, óndiristik mindetterdiń oryndalýyna jáne aldaǵy josparlaryna nazar aýdardy.
Depýtat Mańǵystaý oblysynyń kásipkerler palatasynyń ókilderimen kezdesýde munaıly ólkede kásipkerlik salasyn damytý, ınfraqurylym men ınvestısııalyq tetikterdi jańǵyrtý máselelerin talqylady.
Sonymen qatar Súıindik Aldashev máslıhat depýtattarymen «Qazaq gaz óńdeý zaýyty» JShS-nyń eńbek ujymymen kezdesti. Kún tártibinde «Mańǵystaý atom energetıkalyq kombınaty» JShS-nyń shekti kóterme quny men qyzmeti sheginde gaz baǵasyn belgileý máseleleri kóterildi.
Buǵan deıin Súıindik Aldashev MAEK-tiń basshysy Jańbyrbaı Mataevpen kezdesip, kombınattaǵy jóndeý jumystarymen tanysqan bolatyn.
«Memleket basshysy Qasym-Jomart Toqaev halyqty aýyz sýmen qamtamasyz etý máselesin sheshý jóninde naqty tapsyrma berdi. MAEK kommýnaldyq menshikke berilgenniń arqasynda, sondaı-aq bólinetin qarjyǵa baılanysty oblys ortalyǵyndaǵy sý tapshylyǵy kezeń-kezeńimen sheshiledi dep esepteımiz», dedi senator.
Senat depýtaty «Kaspıı tushytý zaýytyna» da arnaıy at basyn burdy. Kezdesý kezinde teńgerimdi tásildiń mańyzdylyǵy sóz bolyp, birlesken jumystyń jaı-japsaryna toqtaldy. Aldaǵy ýaqytta zaýyt táýligine 40 myń tekshe metr teńiz sýyn tushytady dep kútilýde.
Senator oblysqa sapary aıasynda áleýmettik nysandardyń qurylys-jóndeý jumystarymen tanysty. Naqty aıtqanda, Shetpe aýylynyń ınfraqurylymyn jaqsartý, orta mektepti keńeıtý jumystaryna nazar aýdardy jáne aýdandyq aýrýhanalar men basqa da nysandarǵa bardy. Súıindik Aldashev nysandardyń belgilengen merzimge sáıkes sapaly jáne ýaqtyly tapsyrylýy qajet ekenin tilge tıek etti.
* * *
Parlament Senatynyń depýtaty Álibek Náýtıev Atyraý oblysy Qurmanǵazy aýdanynyń turǵyndarymen kezdesti.
FOTO: aikyn.kz
Senator Atyraý oblysynyń ákimimen, máslıhat depýtattarymen, qoǵamdyq keńes múshelerimen jáne ardagerlermen kezdesti. Kezdesýge qatysýshylar jol, aýyl sharýashylyǵy ónimderin qaıta óńdeý, aýyz sý, elektr energııasy, otyn baǵasy, medısınalyq jáne áleýmettik qamsyzdandyrý máselelerin talqylady.
Sonymen qatar depýtat Senattyń zań shyǵarý qyzmeti týraly aıtyp, zańdardyń jekelegen normalaryna nazar aýdardy.
«Qazirgi tańda halyqty áleýmettik qamsyzdandyrý máselesine qatysty 17 zań bar. Zańnamanyń barlyq normalary biriktirilip, áleýmettik kodekske engizildi. Kodeks adamnyń búkil ómirlik sıklin qamtıdy. Bul qujat týǵannan kámeletke tolǵanǵa deıingi áleýmettik qoldaýdy, jumysqa ornalasýdy, eńbekti qorǵaýdy, áleýmettik saqtandyrý sharalaryn, qıyn jaǵdaılarda áleýmettik kómek kórsetýdi, sondaı-aq qartaıǵan shaqta qoldaý kórsetý máselelerin retteıdi», dedi Álibek Náýtıev.
