Foto: primeminister.kz
18 tamyz kúni saǵat 8.15-te shahta jumystaryn júrgizý kezinde taǵy bir adamnyń denesi tabylyp, jer betine shyǵaryldy.
Alǵashqy bolyp elektrık Vıtalıı Slıýnkovtyń denesi tabyldy.
Taǵy úsh adamdy izdeý jumystary jalǵasýda.
Aıtaıyq, apat kezinde 227 qyzmetker jer astynda bolǵan. Apatty joıý jospary dereý engizilip, 222 adam jer betine shyǵaryldy.
Buǵan deıin «ArselorMıttal Temirtaý» AQ «Qazaqstan» kenishinde izdeý jumystaryn jalǵastyrýǵa ýáde bergen bolatyn. Qazaqstan Respýblıkasynyń Prezıdenti Qasym-Jomart Toqaev «Qazaqstan» kenishindegi tótenshe jaǵdaıǵa baılanysty tapsyrma berip, sheteldik menshik ıelerine eskertý jasaǵan.
Buryn habarlanǵandaı, shahtadaǵy órtten zardap shekkender sany segizge deıin ósti. Aýrýhanaǵa túsken segiz kenshiniń ekeýi jansaqtaý bóliminde jatyr.
QR Qylmystyq kodeksiniń 2-bóligi boıynsha sotqa deıingi tergeý bastaldy. (Taý-ken nemese qurylys jumystaryn júrgizý kezindegi qaýipsizdik erejelerin buzý). Is Qaraǵandy oblysy prokýratýrasynyń baqylaýynda.
