Foto: Aqparat jáne qoǵamdyq damý mınıstrligi
«Memleket basshysy azamattyq qoǵam qurý negizgi basymdyqtyń biri ekenin únemi aıtyp keledi. Prezıdent joldaýynda, saılaýaldy baǵdarlamalarynda bul máseleniń mańyzyna mán bergeni belgili», dep jazdy Darhan Qydyráli óz paraqshasynda.
Mınıstr bul forýmda jastar jaıy da aıtylǵanyn jazdy.
«Memleket tarapynan jastardy qoldaýǵa aıryqsha nazar aýdarylyp keledi. Bıylǵy Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Memleket basshysy: «Jas urpaq tarıh taǵylymyn jáne eldiń jarqyn bolashaqqa umtylysyn bir arnaǵa toǵystyryp jatyr. Osy serpilistiń qarqynyn saqtaı otyryp, ony kúsheıte túsý – memlekettiń mindeti», dep atap ótken bolatyn. Búgingi alqaly jıynnyń jastar máselesine arnalýynyń da ózindik máni zor», deıdi D.Qydyráli.
Azamattyq qoǵam ınstıtýttarynyń mańyzdy toptarynyń biri – qoǵamdyq keńester. Qazirgi tańda elimizde 258 qoǵamdyq keńes jumys isteıdi, olardyń quramyna 4 myńǵa jýyq janashyr azamat, túrli sarapshy mamandar tartylǵan.
«Bul forýmnyń azamattyq qoǵamnyń damýyna úlesi mol bolady dep oılaımyn. Jıynda Shymkent qalasynyń ákimi Murat Áıtenov, Qazaqstannyń Azamattyq alıansynyń tóraǵasy Baný Nurǵazıeva jáne basqa sarapshylar sóz sóılep, óz oılaryn ortaǵa saldy», dep jazdy D.Qydyráli óziniń Facebook-tegi paraqshasynda.
