Jylyna 15 fılm qazaqsha dýblıajdalady

«Jyl basynan beri elimizde birneshe iri kınopremera ótti. Olardyń keıbiri qazaq tilin­de dýblıajdyń bolmaýyna baılanysty kórermenniń nazarynan tys qaldy. Halyqtyń piki­rin baqylap otyrmyz. Kassa­lyq fılmder aýdıtorııaǵa mem­le­kettik tilde qoljetimdi bo­lýy kerek. Mysaly, byltyr Mádenıet jáne sport mınıstr­liginiń qoldaýymen halyqtyń qyzyǵýshylyǵyn týdyrǵan 3 kınopremera qazaq tilindegi dýblıajben shyqty. Bıyl máde­nıet salasyn damytýdyń 7 jyl­dyq tujyrymdamasyn ázir­lep, Úkimet qaýlysymen bekit­tik. Endi jyl saıyn kem degende 15 kınopremeraǵa qazaq tilinde dýblıaj jasalýy kerek degen mindet qoıdyq», dedi A.Oralov.

Aıta keteıik, Mádenıet jáne sport mınıstri naýryz aıynda memlekettik tilge dýb­lıaj jasaý úshin fılmder­di irikteý erejesin bekitti. Mı­nıstr­lik aldaǵy birne­she jylda jalpy prokattaǵy qazaq tilindegi fılmderdiń úlesin 30%-ǵa deıin jetkizýge nıetti. Bul kórsetkish kassa­lyq sheteldik fılmderge memlekettik tilde dýblıaj jasaý arqyly da artýǵa tıis.

«Taǵy bir ózekti másele – qazaqsha dýblıajben shyǵatyn kartınalar seansy árdaıym kórermenge yńǵaıly ýaqytta qoıyla bermeıdi. Bul týraly da áleýmettik jelilerde jıi jazylady. Fılmdi memleket­tik tilde kórgisi keletinder kó­binese túnde barýǵa máj­búr. Bul, árıne, durys emes. Biz kıno­teatrlardyń jekemenshik kásip nysany ekenin túsinemiz. Degenmen de memlekettik tur­ǵydan biz dúnıejúzi kóretin kıno­premeralardyń qazaq tilinde jáne yńǵaıly ýaqytta kórsetilýin qamtamasyz etýge mindettimiz. Sondyqtan jeke kásipkerlermen, kıno­teatrlardyń ıelerimen osy baǵyttaǵy jumysty jandandyrýymyz qajet», dedi Mádenıet jáne sport mınıstri Ashat Oralov.