– Sizdiń elimizge jasaǵan alǵashqy resmı saparyńyz eki memlekettiń dástúrli dostyq qarym-qatynasy men kópjaqty yntymaqtastyǵyn jandandyrýǵa tyń serpin beretinine senimdimin. Men Qazaqstanda saparmen boldym. О́te tamasha, ǵajap el, halqynyń qonaqjaılyǵyna tánti boldym. Vetnam Qazaqstannyń damýyn jáne Sizdiń basshylyǵyńyzben Qazaqstan halqynyń jetken zor tabysyn jiti baqylap otyr. Sizdiń tájirıbeńiz ben strategııalyq kóregendigińizdiń arqasynda Qazaqstan odan ári damyp, álemdegi jáne aımaqtaǵy turaqtylyqty saqtaýǵa eleýli úles qosatynyna senimdimin.
Vetnam ult-azattyq kúresi men memlekettiń birigýine jáne qazirgi damýyna qazaq halqynyń kórsetken járdemin eshqashan umytpaıdy ári alǵys aıtady. Biz Qazaqstanmen aradaǵy dástúrli dostyq qatynasqa zor mán beremiz jáne elińizdi Ortalyq Azııadaǵy mańyzdy seriktes sanaımyz, – dedi Vetnam Prezıdenti.
Prezıdent Qasym-Jomart Toqaev áriptesi Vo Van Thyongty Qazaqstanǵa memlekettik saparmen kelýge shaqyrdy.
