Agrarlyq ýnıversıtettiń jańa kezeńi

Olar – Qazaq eginshilik jáne ósimdik sharýashylyǵy ǵylymı-zertteý ınstıtýty óz tájirıbelik sharýashylyǵymen birge, Qazaq mal sharýashylyǵy jáne jemshóp óndirý ǵylymı-zertteý ınstıtýty, О́.O.Ospanov atyndaǵy Qazaq topyraqtaný jáne agrohımııa ǵylymı-zertteý ınstıtýty, Qazaq jemis-kókónis sharýashylyǵy ǵylymı-zertteý ınstıtýty, Qazaq qaıta óńdeý jáne tamaq ónerkásibi ǵylymı-zert­teý ınstıtýty, Qazaq agroónerkásip kesheni ekonomıkasy jáne aýyldyq aýmaq­tar­dy damytý ǵylymı-zertteý ınstıtýty jáne «Merki» JShS-nyń tájirıbelik sharýashylyǵy.

Osylaısha, sheteldik jetekshi joǵary oqý oryndarynyń tájirıbesine sáıkes Qazaq ulttyq agrarlyq zertteý ýnı­ver­sıteti qazirgi zamanǵy fýnksıo­nal­­dyq ın­teg­ra­sııa­lanǵan júıe sanalatyn sapaly zertteý ýnıversıtetiniń jańa deń­ge­ıine kóterildi. Iаǵnı ǵylym – bilim – óndiris (zerthana – aýdıtorııa – tájirıbelik sharýashylyq) baǵytynda jumys iste­mek. Ýnıversıtetterdiń dál osyndaı klas­sıkalyq modeli ǵylym men bilimdi damy­tý­dyń ulttyq strategııasynyń negizgi basym­dy­ǵy bola alady.

Birinshiden, stýdentter zamanaýı joǵary bilim alyp, ǵylymı tájirıbege ıe bolady. Bolashaqta bilikti, básekege qabiletti kadr atana otyryp, agroónerkásip salasynyń ıntellektýaldy elıtasyn quraıdy. Ekinshi­den, ǵylymǵa jas talanttardyń kelýi kú­she­ıip, qazirgi naryqta qajetti ǵylymı zert­teýlerdiń tıimdiligi men suranysy artady. Úshinshiden, ıntegrasııalyq úderis­terdi kúsheıtý maqsatynda Qazaq ulttyq agrarlyq zertteý ýnıversıtetiniń barlyq áleýeti – ǵylymı zertteý ortalyqtary, zamanaýı zerthanalary, jas ǵalymdarǵa arnalǵan jataqhanalar bolashaqta praktı­kalyq daǵdylary qalyptasqan joǵary oqý ornynyń enshiles uıymdarymen birlesip paıdalanylady.

Bul rette, ǵylymı-zertteý ınstıtýttary men ýnıversıtet ǵalymdarynyń bir­lesken ǵylymı ázirlemeleriniń nátı­jeleri óndiriske engizilip qana qoımaı, jańa bilim berý baǵdarlamalarynyń paı­da bolýyna yqpal etedi. О́z kezeginde bul ǵylymı kadr­lardy daıarlaý sapasyn art­tyrý­ǵa múmkindik beredi. Ǵylymı-zertteý ınstıtýttary men tájirıbelik ón­diristik sharýashylyqtar budan bylaı «Ulttyq agrarlyq ǵylymı-bilim berý orta­ly­ǵyn» ustaýǵa dıvıdendter tólemeıdi. Bul qomaqty qarajat óz ujymdarynyń damýy­na qaldyrylady.