AITV ınfeksııasyn jedel anyqtaıtyn test

Adamnyń ımmýn tapshyly­ǵy vırýsyn anyqtaýǵa arnal­ǵan ekspress-testterdiń damýy tórt satydan ótti. Alǵashqy satysyn­da reagentter se­zim­taldyǵy tómen boldy jáne tek 1-vı­rýsqa antı­denelerdi anyqtaı aldy. Bul rette qandaǵy antıdenelerdi anyq­taý ınfeksııa juqtyrǵannan 63 kúnnen keıin múmkin boldy. Ekin­shi satysyn­da hımııalyq zat­tar asa sezimtal boldy, biraq AITV-1 jáne AITV-2 an­tı­­deneleri 42 kúnnen keıin anyq­taldy. Úshinshi satysynda ártúrli ımmýnoglobýlınderdi (G jáne M klas­tary) jáne aýrýdy erte satysynda anyqtaýǵa múmkindik týdy. Al tórtin­shi satysynda test júıeleri odan sa­ıyn jetildirilip, antıdenelerdi de, antıgenderdi de anyqtaı alatyn boldy. Bul synaqtardyń sezimtaldyǵy kem degende 98%-dy quraıdy, ıaǵnı AITV ınfeksııasyn juqtyrǵan alǵashqy kún­derden-aq anyqtaýǵa bolady.

Zerthanalar men klınıkalarda qol­danylatyn eń keń taraǵan, AITV ınfeksııasyn joǵary dál­dikpen jyldam anyqtaıtyn test «Onsite HIV ag/ab4» dep atalady. Bul testtiń nátıjeleri bylaı shyǵýy múmkin:

– Synaq jolaǵynda qyzyl syzyq (C belgilengen) bolmasa nemese bul óte álsiz bolsa, onda «Ag» nemese «Ab» dep belgilengen jolaqtarǵa qaramastan, tandaý nátıjesi «Anyqtalmaǵan» bolyp shyǵady. Mundaıda testti qaıta tapsyrý kerek;

– Synaq jolaǵynda ashyq jáne anyq kórinetin qyzyl jolaq kór­se­til­se jáne «Ag» nemese «Ab» dep bel­gi­lengen jolaqtar bolmasa, nátıje – «Teris» bolyp shyqqany. Iаǵnı AITV-ınfeksııasynyń belgileri joq;

– Eger synaq jolaǵynda ashyq jáne anyq kórinetin qyzyl sy­zyqty (S belgisi) kórsetse jáne qyzyl nemese sur-qyzyl «Ag» nemese «Ab» degen bel­gilengen jo­laqtardyń kez kelgeninde kó­rinse, onda synaq nátıjesi «Oń» degendi bil­diredi.

AITV dıagnozyn qoıý úshin tek jedel test nátıjelerin paıdalaný múmkin emes. Bul úshin AITV-ınfeksııa ortalyǵynda test tapsyrý arqyly qosymsha tekserýler qajet. Osy tal­daý­­dyń nátıjesinde dert anyq­tal­ǵan jaǵdaıda dáriger antı­­­ret­rovırýstyq terapııany taǵa­ıyn­daıdy, ımmýnıtet tapshy­lyǵynyń dáre­jesin baǵalaıdy jáne naýqastyń dına­mıkalyq monıtorıngin júrgizedi.

Jalpy, dárigerdiń usynys­taryn qaperge alyp, ARV preparattaryn qa­byldaý rejimin ustanǵan jón. Bul – AITV-ınfek­sııasy bar aǵzanyń kúıin baqy­laýdyń jáne vırýstyń jy­nys­tyq serikteske berilýin bol­dyrmaýdyń jalǵyz joly.

Maıra MOShKALOVA,

AITV ınfeksııasynyń

aldyn alý ortalyǵy

senim pýnktiniń medbıkesi