Foto: Tengrinews.kz
Apellıasııalyq alqa Boranbaevtyń, sondaı-aq Roman Nahanov pen Taıyr Januzaqtyń isin qaıta qarady.
Sot otyrysy barysynda Qaırat Boranbaev óz kinásin moıyndaıtynyn aıtty.
Boranbaevtyń isi ótken jyldyń jeltoqsan aıynda tergele bastaǵan.
Eske sala ketsek, osy jyldyń 31 naýryzynda Qaırat Boranbaevtyń úkimi jarııalandy. Sot sheshimine sáıkes ol kináli dep tanyldy. Dálirek aıtqanda, Boranbaevtyń mal-múlki tárkilenip, ózi 8 jylǵa bas bostandyǵynan aıyryldy.
Odan bólek QazaqGaz basqarma tóraǵasynyń burynǵy orynbasary Taıyr Januzaq ta 8 jylǵa sottalyp, ómir boıyna memlekettik qyzmetti atqarý quqyǵynan aıyryldy. Sot olardy QazaqGaz ulttyq kompanııasyna reseılik gazdy qaıta satý kezinde 14,5 mıllıard teńge jymqyrý isi boıynsha kináli dep tapqan.
Keıin Astana qalalyq qylmystyq ister jónindegi sot alqasy Qaırat Boranbaevqa qatysty aldynda shyǵarylǵan sot úkiminiń kúshin joıǵany belgili boldy. Buǵan Reseı gazynyń baǵasy týraly aqparatty qamtıtyn qujattyń túpnusqasynyń bolmaýy sebep bolǵan.
