Foto: Ǵylym jáne joǵary bilim mınıstrliginiń baspasóz qyzmeti
Forýmǵa bilim jáne ǵylym júıesiniń qyzmetkerleri, JOO jáne ǴZI basshylary, qoǵamdyq keńes ókilderi, JOO dırektorlar keńesiniń músheleri, jas ǵalymdar keńesi, stýdentter, sarapshylar jáne basqalar qatysady.
Forým aıasynda Nazarbaev Ýnıversıtetinde jáne IT-Ýnıversıtette joǵary bilim jáne ǵylym, L.N. Gýmılev atyndaǵy EUÝ-da til saıasaty boıynsha taqyryptyq seksııalyq otyrystar ótkizý josparlanyp otyr.
Forýmnyń plenarlyq otyrysynda QR Premer-mınıstri Álıhan Smaıylov forým qatysýshylaryna vıdeo arqyly quttyqtaý sóz sóıleıdi.
«Forýmda QR Premer-mınıstriniń orynbasary Tamara Dúısenova, QR Ǵylym jáne joǵary bilim mınıstri Saıasat Nurbek, professor, Heriot-Watt University prorektorynyń orynbasary (akademııalyq basshylyq) Tadhg O'donovan, Qazaqstandaǵy De Montfort ýnıversıtetiniń prezıdenti Sakina Zafar, QR Prezıdenti janyndaǵy Ulttyq Ǵylym akademııasynyń vıse-prezıdenti Asqar Jumadildaev jáne basqalar sóz sóıleıdi», delingen mınıstrliktiń resmı habarlamasynda.
