Qoǵam • 24 Tamyz, 2023

Sıfrlyq qyzmetti qoldanýshylar kóp

210 ret

kórsetildi

3 mın

oqý úshin

Bıyl elimizdegi bankterdiń onlaın qyzmetterin belsendi paıdalanýshylar sany 20,7 mln-ǵa jetken. Byltyrǵy sáıkes kezeńmen salystyrǵanda, 0,5%-ǵa kóbeıgen kórinedi. Al budan eki jyl burynǵyǵa qaraǵanda, onlaın-bankıngti qoldanýshylar ósimi aıtarlyqtaı artyp 25,5%-dy quraǵan. Bul rette bizdegi bank sektoryn sıfrlandyrý jáne onlaın-bankıngti damytý el ekonomıkasynyń túgelge jýyq ózge salasy men sektorlary úshin tıimdi sıfrlyq transformasııanyń úlgisi ekenin aıtyp ótken jón.

Gúlmıra BAǴYTQYZY

Eldegi EDB az ýaqyt ishinde mobıldi qosymshalar arqyly aýqymdy ekojúıeni qalyptastyrdy dep ataýǵa bolady. Halyqqa arnalǵan mobıldi qosymshalardan basqa, bızneske arnalǵan onlaın-bankıngti belsendi túrde damytyp engizip jatyr. Aıtalyq, elimizdegi 10 iri banktiń jeteýinde kásipkerlerdiń qajettiligine qaraı arnaıy jasalǵan jeke mobıldi qosymshalar bar. Al atalǵan salanyń damýyna serpin bergen negizgi EDB-nyń biri – ForteBank. Bul banktegi ForteBusiness mobıldi qosymshasynyń kómegimen kásipkerler túrli onlaın qyzmetterge, máselen bıýdjetke tólemder jasaý, áleýmettik tólem, zeınetaqy, MÁMS, salyq, taýarlar men qyzmet túrlerine, jumys aqysyn tóleý, qyzmetkerlerdiń kartalaryna eńbekaqy aýdarý, aǵymdaǵy shottardy, onyń ishinde jınaq shottaryndaǵy aqsha qaldyqtary men qozǵalysyn tolyq baqylap, shetel valıýtasyn satyp alý jáne satý, sonymen qatar shetel valıýtasynda aqsha aýdaryp, bir valıýtada óz shottary arasynda ishki aýdarymdarǵa qol jetkize alady.

Elimizde bızneske arnalǵan mobıldi bankıngtiń damýyn iri halyqaralyq agenttikterdiń biri SME Banking Agency aqparattyq-taldaý júrgizip, onda Shyǵys Eýropa, Kavkaz jáne Ortalyq Azııa elderindegi bızneske arnalǵan mobıldi bankıngti zerttegen. Reıtıng boıynsha alǵashqy orynda ForteBank aımaqtaǵy eń úzdik mobıldi bank bolsa, odan keıingi oryndardy Halyk Bank pen Jusan Bank ıelengen. Al úzdik bestikke Ýkraınadaǵy PrıvatBank pen Grýzııadaǵy Bank of Georgia engen.

Jalpy, SME Banking Agency taldaýshylary keminde 10 myń ret júktep alynǵan jáne joq degende 3,5 ball jınaǵan (GooglePlay jáne AppStore boıynsha ortasha kórsetkish) qosymshalardy qarastyryp, qorytyndylaı kele saraptamanyń short-paraǵyna 6 elden 25 mobıldi bank qatysqan. Ár qosymsha 110 krıterıı boıynsha baǵalanǵan eken.

Sonymen qatar bızneske arnalǵan mobıldi bankıngtiń kásipkerler úshin de birqatar mańyzdy artyqshylyqtary bar.

Ýaqytty únemdeýde bank fılıalyna barmaı-aq, onlaın qyzmet kórsetý EDB tutynýshylarynyń suranystaryn jedeldetip, tólemder men aýdarymdardyń óndeý quny arzan ári mobıldi qosymshalardy aptasyna 7 kún táýlik boıy paıdalaný qarastyrylǵan. Barlyq bank qosymshasy barynsha qorǵalyp, klıentter úshin qaýipsiz ekenin aıtýǵa bolady.