Sybaılastyqty anyqtaıtyn joba

Sybaılas jemqorlyqqa qar­sy ­is-qımyl agenttiniń Atyraý ob­lys­tyq departamenti bas­shy­synyń birin­shi orynbasa­ry Nurlan Jahınniń aıtýyn­sha, jobanyń maqsaty – bel­­sendi azamattardy, qoǵamdyq bir­­lestikterdi, jeke jáne kva­­zı­mem­lekettik sektor sý­bek­­tilerin, son­daı-aq basqa da uıymdardy sybaılas jem­qor­lyqqa qarsy is-sharalarǵa erikti retinde tartý. Joba aıasynda eriktiler birneshe baǵyt boıynsha jemqorlyqqa qarsy kúres júrgizýge kómek kórsete alady.

«Atyraý oblysynda ózekti má­se­lelerdiń oń sheshimin tabýyna yqpal etetin sybaılas jem­qor­lyq táýekelderiniń kartasy engizil­di. Alaıda atalǵan qyl­mysqa qarsy ashyqtyqtyń bol­maýynan, ákimshilik keder­giler men zańnamanyń jetildi­ril­­meýi saldarynan týyndaıtyn prob­lemalar bar. Sol se­bep­ten, bel­sendi azamattardy «Sy­baılas jem­qorlyqqa qar­sy vo­lonterlik» jobasyna erikti bo­lý­ǵa shaqyramyn», deıdi N.Jahın.

Máselen, jobanyń birinshi baǵyty – qoǵamdyq baqylaý. Mu­nyń basty tarmaǵy monıtorıng júrgizip, qorytyndysymen bóli­sýge baılanysty bolyp otyr. Monı­torıngti memlekettik satyp alý por­talynda baǵany kóterý mánine, bıýdjet qara­jatyn jumsaý tıim­di­ligine, óńir­diń problemalyq máse­le­­lerine, tıisti jumys sapasy joq obektilerge, aýyl sharýa­shylyǵy maqsatyndaǵy jerlerdi paıdalanýǵa, ulttyq jobalardy, óńirlerdi damytý josparlaryn iske asyrýǵa, aqparattyń qoljetimdili­gin qamtamasyz etý bóliginde zań­nama talapta­ry­nyń saqtalýyna, áleý­mettik mańyzy bar mekemelerdiń jaı-kúıine monıtorıng júrgizýge bolady.

Ekinshi baǵyt – sybaılas jem­qorlyqqa qarsy zertteý jáne aǵartý. Eriktilerge sybaılas jemqorlyq problemalaryn zertteý, keıinnen ony joıý jáne aldyn alý boıynsha usynystar ázirleý usynylyp otyr. Sondaı-aq stýdentter arasynda sybaılas jemqorlyq­qa qar­sy mádenıetti qalyp­tas­tyrý, atal­ǵan qylmysqa qar­sy sheshimderdi ázir­leý, forýmdar, konferensııalar, se­mınarlar sekildi is-sharalar­dy uıymdastyrý, fılmder, serıal­dar túsirý ádisimen kontent jasaýǵa qatysý, áleýmettik rolıkter ázirleý bar.

Al «Pro bono» volonterlik ba­ǵy­­tynyń aýqymy keń. Bul ba­­ǵytta advokattar men no­ta­­rıýstardyń, sot oryn­daý­shy­larynyń, kásipodaqtar men ar­dagerler uıymdary ókil­deri­niń azamattar men eńbek ujym­da­ryna tegin quqyqtyq kómek kórsetýi kózdelgen. Komplaens-ofı­serler­di praktıkalyq oqy­tý, sybaılas jem­qorlyq táýe­kelderin jáne oǵan qarsy monı­torıngterdi syrtqy tal­daýǵa sarapshylar tartylady.

Tórtinshi baǵyt – korpo­ra­tıv­tik eriktilik. Osy oraıda tu­tyný­shylarǵa beriletin talondar men tú­birtekterdiń artqy betine sybaılas jemqorlyqqa qarsy bannerlerdi ornalastyrý, sybaılas jemqorlyq­qa qarsy push-habarlamalardy jiberý kontentin ilgeriletýge basymdyq beriledi.

«Bul joba aıasynda Atyraý vo­lonterleri Isataı aýdany­nyń ortalyǵy – Aqqystaý aýy­lyndaǵy kentishilik joldar­dy qaıta jańartý kezinde bıýd­jet qarajatynyń tıim­siz jum­­salǵanyn anyqtady. Volon­terler atalǵan aýyldaǵy Dostyq jáne Abaı kóshesindegi asfalt­beton jabyndysynyń buzylǵa­ny, shuńqyrlar týraly aqparatty Antıkorǵa jiberdi. Atap aıtqanda, Isataı aýda­ny ákimdiginiń laýazymdy tul­ǵalary Isataı aýdandyq tur­ǵyn úı-kommýnaldyq sha­rýa­shy­lyq bólimi men «Inform­stroıser­vıs» JShS arasyn­da kentishilik jol­dar­dy rekon­strýk­sııalaýǵa 1,4 mlrd teńge so­maǵa jasalǵan qoldanysta­ǵy shart sheńberinde atqarǵan ju­mysy týraly jalǵan aktilerge qol qoıǵan» dep habarlady de­par­tament­tiń baspasóz qyzmeti.

Qazir bul derek rasta­lyp otyr. Eriktilerdiń qyra­ǵyly­ǵynyń nátı­jesinde, bıýdjettiń 78 mln teńge­den astam qarjy­syn jymqyrý qaýpi týynda­ǵany anyqtalǵan.

Atyraý oblysy