«Birjan Qaldybaev baýyryma janashyrlyqpen aıtqan syn pikirimdi údetip túrli saıttar bir - birinen kóshirip alyp shyǵaryp jatyr eken. Jeli qoldanýshylary arasynda da máseleniń baıybyna barmaı, meni qyzǵanshaqtyq tanytty dep san saqqa júgirtip jatqandar da bar eken. Búgin Birjan baýyrymmen sóılestik. Men aǵalyq aqylymdy jetkizdim, ol da inilik izetimen óz pikirin aıtty. Eń bastysy bir - birimizdi túsindik dep oılaımyn. Máseleni daýǵa aınaldyrmaı núktesin qoıyp, syılastyqty saqtaýǵa ýaǵdalastyq», dep jazdy Amanjol Áltaev Facebook paraqshasynda.
Sondaı-aq ol Birjannyń tulpar mingenine qyzǵanyshpen qarady degen jurttyń sózine jaýap berdi.
«Baýyrymyzdyń tulpar mingenine tek qýanyshpen qaraımyn. О́zim de ózge azamattarǵa jylyna birneshe tulpar mingizip júrgen azamatpyn. Bir eldiń atynan barǵannan keıin aıtqan arnaýy kórkemdik talapqa, estetıkalyq talǵamǵa, baıypty mazmunǵa saı bolsa eken dedim. Bul - óner ólkesindegi barshamyzǵa ortaq talap. О́nerdiń sapasyn alasartyp almaý - paryzymyz! Birjan baýyrymnyń otbasyna amandyq, isine bereke tileımin. Taqymynan tulpar ketpesin», deı kele ol baýyrlas Qyrǵyz eliniń, Prezıdentiniń ystyq yqylasyna alǵys bildirdi.
Eske sala keteıik, jýyrda Amanjol Áltaev Qyrǵyzstan prezıdenti at mingizgen qazaq aqyny Birjan Qaldybaevty synǵa alǵan edi. Keıinirek Qyrǵyzstan Prezıdenti Sadyr Japarov «Kabar» agenttigine bergen suhbatynda osy synǵa qatysty jaýap berdi.
