Elorda • 25 Tamyz, 2023

Astanada ǵulama ǵalym Ibn Sınanyń bıýsti ornatyldy

360 ret

kórsetildi

1 mın

oqý úshin

Búgin Tájikstannyń mádenıet kúnderi aıasynda elimizdiń bas qalasynda ǵulama ǵalym Ibn Sına bıýstiniń saltanatty ashylý rásimi ótip, oǵan Qazaqstan men Tájikstannyń Mádenıet mınıstrleri, sondaı-aq Astana qalasy ákimdiginiń qyzmetkerleri men qazaq-tájik zııaly qaýymynan ókilder qatysty, dep jazady Egemen.kz.

Shyńǵys MUQAEV

Astanada ǵulama ǵalym Ibn Sınanyń bıýsti ornatyldy

Foto: QR Mádenıet jáne sport mınıstrligi

Mádenıet mınıstrligi Oıshyldyń eskertkishi Astana qalasy Almaty aýdany A.Hrapatyı kóshesi, 9 úı janyndaǵy saıabaqta ornatyldy. Qola bıýst tájik sheberleriniń qolynan shyqsa, granıtti tuǵyrdy elorda ákimdigi usynǵan. Eskertkishtiń bıiktigi - 3,1 metrdi quraıdy.

«Búgin elderimizdiń arasynda ekijaqty qatynastar tarıhyndaǵy óte mańyzdy kún. Ibn Sına - búkil Ortalyq Azııanyń maqtanyshy, sondyqtan bul eskertkish bizdiń elderimiz arasyndaǵy tereń tarıhı baılanysty kórsetedi. Monýmenttiń ashylýy - Qazaqstandaǵy Tájikstannyń mádenıet kúnderi aıasynda ótetin is-sharalardyń biri. Astana, Almaty, Shymkent qalalarynda kıno kórsetilimderi, konsertter, kórmeler ótýde. Aýyl sharýashylyǵy jármeńkelerin ótkizý josparlanǵan», dep atap ótti QR Mádenıet jáne sport mınıstri Ashat Oralov.