Foto: t.me/udp_dadebayev
«Búgingi tańda memlekettik tildi bilý ár azamattyń básekege qabilettiligin arttyra túsedi desek artyq emes. Osy oraıda, Prezıdenttiń Is basqarmasy júıesinde kadrlardyń áleýetin kóterý úshin memlekettik tildi úıretý jáne deńgeıin jetildirý kýrsy ashylǵanyna toqtalǵym kelip otyr.
Vedomstvolyq qarasty mekemelerdiń qyzmetkerlerine arnalǵan kýrs Medısınalyq tehnologııalar jáne aqparattyq júıeler ortalyǵynda ótedi. Munda memlekettik tildi bazalyq deńgeıde bilip qana qoımaı, iskerlik qazaq tilin jetildirýge kúsh salynatynyn aıta ketý kerek.
Jalpy, bul joba áriptesterimizdiń tarapynan qoldaý tapty deýge bolady. Az ýaqyt ishinde 22 vedomstvolyq mekemeniń 700 qyzmetkeri qatysýǵa tilek bildirgeni osyny kórsetip otyr», delingen aqparatta.
Máseleni jan-jaqty qarastyrý úshin QazTest júıesi arqyly olardyń tildi bilý deńgeıi anyqtalyp, sáıkesinshe baǵdarlamalar tańdaldy. Aldaǵy qyrkúıekten bastap alǵashqy toptaǵy 200 adam oqýdy bastaýǵa tıis. Qyzmetkerlerge yńǵaıly bolýy úshin sabaq ortalyq ornalasqan ǵımaratta ǵana emes, ár kásiporynnyń bazasynda da aptasyna 3 ret ótedi.
«Búgingi tańda memlekettik organdarda is qaǵazdaryn qazaqsha júrgizýge den qoıylyp otyrǵany málim. Osy oraıda, qazaq tili kýrstarynda alǵan bilimderińiz ben meńgergen mashyqtaryńyz jumys barysynda qarym-qatynas jasaýǵa, qyzmet aıasyndaǵy mindetterińizdi sapaly atqarýǵa, kásibı turǵyda damýǵa kómektesedi dep senemin», delingen habarlamada.
