Kezdesýde kóterilgen ózekti máseleler

Kezdesýde «Halyq únine qulaq asatyn memleket» tujyrymdamasyn sapaly júzege asyrýǵa jáne bıylǵy naýryz aıynda VIII saılanǵan Parlamenttiń birinshi sessııasynyń ashylýynda qoıylǵan Memleket basshysynyń tapsyrmalaryna basymdyq berildi. Sonymen qatar, bıýdjet máselelerimen birge memlekettik qyzmet kórsetý úderisteriniń ashyqtyǵy men olardy baqylaýdyń ózekti máseleleri talqylandy.

Senator Prezıdent negizgi mindetterdiń biri retinde ádil, turaqty jáne ashyq salyq júıesin qalyptastyrýdy belgilep bergenin aıtty.

«Memleket basshysy salyq saıasatynyń jańa modeli ulttyq baılyqty ońtaıly bólýdi, ekonomıkalyq belsendiliktiń joǵary deńgeıin jáne ekonomıkanyń basym salalaryna naqty qoldaýdy qamtamasyz etýge tıis ekenin atap ótti. Birlesken kúsh-jigermen fıskaldyq organdardyń bıznes­pen ózara is-qımylyn jaqsartý úshin qajetti sharalar qabyldaý qajet. Bul kásipkerlerdiń qyzmetin jeńildetýge, sondaı-aq bıýdjetke túsetin túsimderdi ulǵaıtýǵa múmkindik beredi», dedi Sultanbek Mákejanov.

* * *

Senat depýtattary Sergeı Karplıýk pen Ǵaýez Nurmuhambetov Qostanaı oblysynyń Naýryzym jáne Áýlıekól aýdandaryna bardy. Sapar barysynda aýdandyq máslıhat depýtattarymen, aýyl sharýashylyǵy taýaryn óndirýshilermen jáne turǵyndarmen kezdesti.

Kezdesýde qatysýshylar aýdandardyń ınfraqurylymyn damytý, gazdandyrý jáne avtomobıl joldaryn jóndeý máseleleri talqylandy. Sapar barysynda depýtattar Áýlıekól aýylyndaǵy balabaqshanyń, Qaramendi aýylyndaǵy saýyqtyrý kesheniniń qurylys jumystarymen jáne Amanqaraǵaı aýylyndaǵy saýyqtyrý kesheniniń qyzmetimen tanysty.

Sonymen qatar senatorlar Peshkov jalpy bilim beretin mektebiniń jumysymen, Fedorovka aýylynda salynyp jatqan kóppáterli turǵyn úı qurylysymen tanysyp, Fedorov aýdanynyń turǵyndarymen jáne máslıhat depýtattarymen kezdesýler ótkizdi.

Sondaı-aq Sergeı Karplıýk pen Ǵaýez Nurmuhambetov Qarabalyq aýdanynyń turǵyndarymen, aktıvimen, agrarlyq kásiporyndar men áleýmettik sala ókilderimen birge elektr jelilerdiń tozýy, gazdandyrý jáne kadr tapshylyǵy máselelerin talqylady. Depýtattar kezdesýge qatysýshylarǵa Parlament Senatynyń zań shyǵarý qyzmeti týraly da aıtyp berdi.

* * *

Májilis depýtattary, «Amanat» partııasy fraksııasynyń músheleri Aıgúl Quspan men Nıkıta Shatalov Almaty qalasyndaǵy zamanaýı otbasylyq-dárigerlik ambýlatorııalyq ortalyqqa bardy. Ortalyq partııanyń Saılaýaldy baǵdarlamasyn iske asyrý jónindegi Jol kartasy sheńberinde salynyp jatyr.

Qazirgi ýaqytta qalaǵa qarasty Kemel aýdanynda 124 myń pasıenti bar úsh emhana ǵana medısınalyq qyzmet kórsetedi. Qalǵan 50 myń turǵyn kórshi aýdandarǵa medısınalyq kómekke júginýge májbúr. Medısınalyq mekemelerdiń eń ótkir tapshylyǵy dál osy Kemel shaǵyn aýdanynda, Saıahat avtovokzalynyń janynda jáne Jumysshy kentiniń turǵyn alabynda seziledi.

– Jańa otbasylyq-dárigerlik ambýlatorııa jalpy praktıka dárigerleri, pedıatrlar, akýsher-gınekologterdiń, otbasyn josparlaý, dárigerge deıingi, rásimdik jáne egý kabınetterin qosa alǵanda, barlyq medısınalyq qyzmetti usynady. Munda turǵyndarǵa bilikti medısınalyq kómek alý úshin barlyq jaǵdaı jasalady, – dedi Aıgúl Quspan.

Qazirgi ýaqytta nysan 97 paıyzǵa aıaqtaldy, jaryqtandyrý qurylǵy­laryn árleý jáne ornatý boıynsha qurylys-montajdaý jumystary jasalyp jatyr. Nysandy tapsyrý jyldyń sońyna deıin josparlanǵan. Medısınalyq fılıal ashylǵannan keıin Kemel shaǵyn aýdanynyń 22 myńnan astam turǵyny óz aımaǵynda bilikti medısınalyq kómek ala alady.

* * *

Májilis depýtattary Dınara Shúkijanova men Dınara Naýmova Pavlodar oblysyna baryp, óndiris ornynyń jumysymen tanysty.

Aldymen májilismender Pavlodardaǵy iri jumys berýshi kásiporyn­darynyń biri – «Qazaqstan alıýmınııi» AQ-ǵa bardy. Bul daıyn alıýmınıı óndirisine qajetti shıkizat shyǵaratyn jalǵyz zaýyt. Jylyna 1,4 mln tonna ónim óndiredi. Búgingi tańda munda 8 myńǵa jýyq adam eńbek etýde.

Aıta ketý kerek, zaýyt óndiretin ónimniń 60 paıyzy shetelge jóneltiledi. Qalǵan ónim ishki naryqta qalady. Negizgi tutynýshy – daıyn alıýmınıı óndiretin Qazaqstan elektrolız zaýyty.

Májilis depýtaty Dınara Shúkijanovanyń aıtýynsha, elimizdegi óner­kásip salasynda ortaq másele bar. «О́ndiris oryndarynyń aldynda bir­deı ked­er­giler týyndap otyr. Otandyq ónimdi eksporttaý, qural-jabdyq­tar­dyń sha­madan tys qymbat bolýy, kadr tapshylyǵy sııaqty máseleler bar. Bul ol­qy­lyqtardyń ornyn júıeli túrde toltyrý qajet», dedi D.Shúkijanova.