2024 jyly elimizge Chehııadan «Prjevalskıı jylqysynyń» (ólketanýshylar, tarıhshylar ony naǵyz qulan desedi) alǵashqy legi ákelinbek. Olar otandyq janýarlar reıntrodýksııasy (jabaıy tabıǵatqa oralý) jobasyna qatysatyn bolady. Chehııanyń qorshaǵan ortany qorǵaý mınıstrligi jylqylardy elimizge jetkizýdi Praga haıýanattar baǵy arqyly júzege asyrady.
Jylqylardy reıntrodýksııalaýǵa Qostanaı oblysynyń «Altyn dala» memlekettik tabıǵı rezervatynyń aýmaǵy tańdalǵan. Aıta keteıik, Eýropadan 40 «Prjevalskıı jylqysyn» tasymaldaý josparlanyp otyr.
HH ǵasyrdyń basyna deıin «Prjevalskıı jylqylary» Eýropanyń ormandy dalalarynda, jazyqtar men jartylaı shólderinde, Qazaqstan men Batys Sibirdiń ońtústigindegi dalalarda jáne ishinara ormandy alqaptarda keń taralǵany belgili.
Qazir álemde HH ǵasyrdyń basynda Jońǵarııada aýlanǵan bir úıir jylqydan shyqqan eki myńǵa jýyq asyl tuqymdy «Prjevalskıı jylqysy» bar. Atalǵan jylqylardyń tuqymy haıýanattar baǵynda jáne álemdegi qoryqtarda ósirilip keledi.
Búginde «Prjevalskıı jylqysyn» reıntrodýksııalaý baǵdarlamalary Mońǵolııada, Qytaıda, Reseıdiń Orynbor oblysynda jumys júzege asqan. 1990-jyldary eksperıment úshin Chernobyl aımaǵyna 30-ǵa jýyq «Prjevalskıı jylqysy» jiberilip, olar jyldam kóbeıe bastaǵanyn aıta ketkimiz keledi.
