«Oblysta 2025 jylǵa deıin buqaralyq sportpen turaqty aınalysýshylar sanyn 50%-ǵa arttyrý josparlanyp otyr. Qazir kásibı maqsatta ashylǵan 9 sport klýby jumys isteıdi. Munda jattyǵýshylar qatary 4 276-ǵa jetti. Ulttyq sport, basketbol, voleıbol, sý sporty klýbtary jekeshelendirildi. Al hokkeı men fýtbol, boks klýbtary senimgerlikpen basqarýǵa berildi», deıdi Dastanbek Qospanov.
Onyń málimetine súıensek, jyl basynan beri buqaralyq sportty damytý maqsatynda 800-den asa sporttyq is-shara uıymdastyrylǵan. Oǵan 150 myńnan astam adam qatysypty. Aýyldarda 560 is-shara ótip, 110 myńnan asa turǵyn qamtylǵan. Oblysta 1000 adamǵa shaqqanda turǵyndardy sport ınfraqurylymymen qamtý deńgeıi 38,2%-dy qurap otyr. Endi 2027 jylǵa deıin 26 sport kesheni salynyp, bul kórsetkishti 40%-dan asyrý josparlanǵan.
Qazir Atyraý oblysynda 1 217 sport nysany bar. Bıyl Isataı aýdanynyń Tushyqudyq aýylynda sport kesheni paıdalanýǵa berilgen. Buǵan qosa, 8 sport nysanynyń qurylysy salynyp jatyr. Al 4 nysandy qaıta jańǵyrtý qolǵa alynǵan. Taǵy eki sport nysanyn salý kózdelgen. Onyń biri – daryndy balalarǵa arnalǵan sport mektep-ınternaty. Ekinshisi – Jańatalap aýylynda boı kóteretin sport kesheni.
Jaqynda Atyraýda daryndy balalarǵa arnalǵan sport mektep-ınternaty ashyldy. Mektep-ınternattyń dırektory Qaırat Dosqalıevtiń aıtýynsha, bilim ordasyna 150 bala qabyldanady. Bul oqý ornynda oqýshylar erkin kúres, boks, dzıýdo, taekvondo sekildi olımpıadalyq sport túrleri boıynsha jattyǵady.
Jaýqazyn jastardy olımpıadalyq sport túrlerine baýlıtyn mektep-ınternattyń ázirge jeke ǵımaraty joq. Alaıda sporttyq baǵyttaǵy bilim ordasynan tálim alǵysy keletin oqýshy kóp. Sondaı maqsatpen qujat tapsyrǵannyń biri – Bekzat Mustaǵalıev. Mahambet aýdanynda turatyn jas óren 6 jyldan beri dzıýdony serik etken.
«Biz bul mektep-ınternattyń ashylýyn asyǵa kúttik. О́zim tańdaǵan sport túrinen sheberlik shyńdap, Olımpıada chempıony bolýǵa umtylamyn. О́ıtkeni munda biliktilik arttyrý úshin mol múmkindik bar», deıdi Bekzat Mustaǵalıev.
Balalarynyń sportpen aınalysqanyn qalaıtyn ata-analardyń qatarynda Mahambet aýdanynyń Saraıshyq aýylynda turatyn Qadyrbek Shaımardanov ta bar. Onyń da nemeresi dzıýdony jaqsy kóredi. Sol sebepten, jańa oqý ordasynda bilim alǵysy keledi.
«Aýyl balalary Atyraý qalasyndaǵy dzıýdo klýbyna kelip, jattyǵyp júr edi. Qalaǵa qatynaý úshin balalar ýaqyt joǵaltady. Onyń ústine jolda júrý sharshatady. Endi jańa mektep-ınternat ashylǵanyn estip, nemeremdi ertip ákeldim. Qazir olardy Olımpııa oıyndaryna daıyndaýǵa múmkindik jasalyp otyr», deıdi Q.Shaımardanov.
Erkin kúresten álem chempıony Talǵat Syrbazdyń pikirinshe, sportqa den qoıǵan ár bala qıyndyqqa tózimdi bolǵany jón. О́ıtkeni bul sala tózimdilikti, eńbekqorlyqty qajet etedi.
«Olımpıada, álem chempıondarynyń deni aýyldan shyǵady. Men de aýylda óstim. Aýylda jattyǵyp júrip, álem chempıony boldym. Endi aýyl balalarynyń olımpıadalyq sport túrlerine daıyndaıtyn mektep-ınternatta shyńdalatynyna qýanyp turmyn. Bul – jasóspirimderge berilgen úlken múmkindik. Jas sportshylardyń sheberligin shyńdap, chempıon atanýy úshin shydamdy ári eńbekqor bolǵanyn qalar edim», deıdi Talǵat Syrbaz.
Atyraý oblysy
