Sýretti túsirgen avtor
Baıqaýdy uıymdastyrýdaǵy maqsat – ult uıasy atanǵan Ulytaý óńirindegi tarıhı-kıeli oryndar men esimderi el arasyna keń taraǵan tarıhı tulǵalardy óleń jáne sýret tilimen dáriptep, nasıhattaý. Sondaı-aq tamyry bir, taǵdyry uqsas sóz ben sýret óneriniń arasyndaǵy ǵajaıyp úndestiktiń syryna oı júgirtý, oqyrman men kórermenniń talǵam kókjıegin keńeıte túsýge yqpal etý.
Baıqaýdyń qorytyndysynda qazylar alqasy 6 aqynnyń jáne 6 sýretshiniń eńbekterin laıyqty sanady.
Aqyndar – Áskerhan Ahtaı, Ásel Ospan, Dáýrenbek Bulanbaev, Faızolla Tóltaı, Tólegen Mellat, sýretshiler – Ádilǵalı Baıandın, Janat Seıthamıt, Baqyt Zerde, Qarlyǵash Qanseıit, Ardaq Ákimbektiń árqaısysyna – 500 myń teńgeden syıaqy berildi.
«Ulytaý taýyń – ańyz, tasyń – abyz» óleńi úshin aqyn Umtyl Zaryqqan, «Ulytaý. Ulttyń jaratylýy» atty týyndysy úshin sýretshi Dáýrenbek Beknazarov baıqaýdyń bas júldesin jeńip aldy. Olardyń árbirine 1 mln teńge syıaqy berildi.
– Bul baıqaý oblysta respýblıkalyq deńgeıde alǵash ret ótkizildi. Ulytaý – sózben órnektese de, sýretpen árlese de eshqashan taýsylmaıtyn máńgilik taqyryp. Sondyqtan baıqaý aldaǵy ýaqytta dástúrge aınalatyn bolady. Al bıylǵy baıqaýǵa usynylǵan barlyq sýret, kartınalar oblystyq mádenıet, tilderdi damytý jáne arhıv isi basqarmasyna qarasty mýzeıdiń kórme zalyna tabys etildi. Aldaǵy ýaqytta atalǵan joba boıynsha eki kitap shyǵaratyn bolamyz, – deıdi Ulytaý oblystyq mádenıet, tilderdi damytý jáne arhıv isi basqarmasynyń basshysy Ánýar Omar.
Ulytaý oblysy
