Foto: asu.edu.kz
Konstıtýsııa kúnin atap ótý, Ata zańdy ulyqtap, jastardyń quqyqtyq saýatyn arttyrý maqsatynda ótken konkýrsqa ártúrli mamandyqta oqıtyn 250 stýdent qatysýǵa nıet bildirgen eken.
Qatysýshylar konkýrstyń alǵashqy kezeńinde Qazaqstan Respýblıkasy Konstıtýsııasynyń erejelerin bilý deńgeıin anyqtaý úshin 25 suraqtan turatyn saýalǵa jaýap berse, ekinshi kezeńge súrinbeı ótkender Ata zańnyń baptaryn jatqa aıtýdan jarysqan. Konkýrsqa Atyraý qalalyq sottyń sýdıasy, prokýror jáne jeke sot oryndaýshy, ýnıversıtettiń azamattyq quqyqtyq pánder kafedrasynyń oqytýshylary tórelik etip, jeńimpazdardy anyqtaǵan.
Konkýrs qorytyndysy boıynsha 3-oryndy (30 paıyz jeńildik) «Ekologııa» mamandyǵynyń stýdenti Botakóz Intımahova, 2-oryndy (50 paıyz jeńildik) qylmystyq-quqyqtyq pánder kafedrasynyń stýdenti Medına Ábdesh aldy. Al bas júldeni azamattyq-quqyqtyq pánder kafedrasynyń stýdenti Jáńgir Temirhanov bir jyldyq oqýyn tegin oqýǵa sertıfıkat aldy.
Dástúrge aınalǵan konkýrs kelesi jyly da jalǵasýy múmkin.
