Kezdesý barysynda senator Shymkent turǵyndarynyń ál-aýqatyn arttyrýǵa baǵyttalǵan óteýsiz granttar sanyn ulǵaıtý qajettigin atap ótti.
«Parlamentte osyǵan qatysty ózekti máseleler boıynsha usynystar men eskertýlerdi kóterip, tıisti mınıstrlikterge joldaıtyn bolamyz. Ár otbasynda ýaqytsha qıyndyqtar bar. Memlekettiń mindeti – olardy qoldaý. Osy maqsatta óteýsiz memlekettik grant berý týraly sheshim qabyldandy. Jańa bıznes-ıdeıalardy júzege asyrýǵa bólingen qarajat shynymen muqtaj azamattarǵa berilýi kerek. Komıssııa ókilderine júktelgen jaýapkershilik orasan zor ekenin túsinemiz», dedi Aıgúl Qapbarova.
О́z kezeginde Shymkent qalasynyń jumyspen qamtý jáne áleýmettik qorǵaý basqarmasynyń ókili kezdesýge qatysýshylardy azamattardy jumyspen qamtý jáne halyqtyń ál-aýqatyn jaqsartý jónindegi jumystardyń nátıjelerimen tanystyrdy. Belgili bolǵandaı, keıingi úsh jylda ataýly áleýmettik kómek alýshylardyń sany aıtarlyqtaı azaıǵan.
* * *
Senat depýtaty Sultanbek Mákejanov «Amanat» partııasy Almaty qalalyq fılıalynyń XXXIV konferensııasyna qatysty.
Kezdesýde partııanyń 2023-2027 jyldarǵa arnalǵan saılaýaldy baǵdarlamasyn iske asyrý boıynsha Jol kartasynyń Almaty qalasynda oryndalý barysy týraly baıandama jasaldy. Sondaı-aq fılıal men «Jastar rýhy» jastar qanatynyń atqarǵan jumystary týraly esep tyńdaldy.
Senator halyqpen keri baılanysty kúsheıtý, óńirlerdegi depýtattar jumysynyń tıimdiligin arttyrý men partııanyń jastar qanatyn qaıta jandandyrýdyń mańyzdy ekenin atap ótti.
«Azamattardy alańdatqan máselelerdi sheshý úshin júıeli jumys júrgizý qajet. Bul jerde óńirlerdegi bastamalar mańyzdy ról atqarady. Onyń ishinde qoǵamdyq dıalogti damytýdyń bereri mol», dedi Sultanbek Mákejanov.
* * *
Májilistegi «Amanat» partııasy fraksııasynyń depýtattary partııanyń saılaýaldy baǵdarlamasynyń Jol kartasyn iske asyrý barysy jáne megapolıstiń áleýmettik-ekonomıkalyq damýymen tanysý maqsatynda Almatyǵa keldi.
Sapar baǵdarlamasynda ótken lýdomanııa máselesin talqylaý úshin úkimettik emes uıymdardyń ókilderi jáne jastarmen kezdesýge partııa fraksııasynyń jetekshisi Elnur Beısenbaev, depýtattar Baqytjan Bazarbek pen Ermurat Bapı, partııanyń Almaty qalalyq fılıalynyń tóraǵasy Stanıslav Kankýrov, sarapshylar men jastar qatysty. Qumar oıyndarǵa patologııalyq beıimdilik halqymyz úshin ǵana emes, búkil álem úshin de kúrdeli problemaǵa aınaldy. Májilismender qumar oıyndarǵa táýeldiliktiń kóbeıýine alańdaýshylyq bildirip, bul máseleniń jastarǵa, jalpy qoǵamǵa qalaı áser etetinin talqylady.
Kezdesýde jastar arasynda lýdomanııanyń aldyn alý boıynsha negizgi máseleler, sonyń ishinde bilim berý baǵdarlamalary men qumar oıyndarynyń táýekelderi týraly aqparattyq naýqan talqylandy. Sondaı-aq jıynda lýdomanııa problemasyna tap bolǵandar úshin sapaly jáne qoljetimdi medısınalyq jáne psıhologııalyq qoldaýdy qamtamasyz etý boıynsha usynystar aıtylyp, qumar oıyndardy retteýge jáne qatańdatýǵa baǵyttalǵan zańnamaǵa ózgerister engizý múmkindigi sóz boldy.
Májilismender jumys sapary kezinde partııanyń Almaty qalalyq fılıalynyń kezekti XXXIV konferensııasyna da qatysty. Konferensııada qalalyq fılıal men «Jastar rýhy» jastar qanatynyń 2021 jyldan 2023 jyldyń I jartyjyldyǵyna deıingi kezeńde atqarylǵan jumystar týraly esebi tyńdaldy.
Aımaqqa sapar barysynda fraksııa jetekshisi Elnur Beısenbaev «Qalqaman» metro stansasy qurylysynyń barysymen tanysty. Búgingi kúni metropolıtenniń úshinshi keshenin iske qosý boıynsha jumys belsendi júrgizilip jatyr. Stansa salý jobasy Almaty qalasy boıynsha «Amanat» partııasynyń saılaýaldy baǵdarlamasynyń 2.3-bólimine engizilgen, onda 4 stansa salýmen 7,2 shaqyrym metro jelisin keńeıtý kózdelgen. Josparǵa sáıkes «Qalqaman» stansasynyń qurylysy 2025 jyly aıaqtalýǵa tıis. Bul joba Almatynyń kólik ınfraqurylymyn nyǵaıtyp, qala turǵyndarynyń jaılylyǵyn jaqsartýdaǵy mańyzdy qadam bolyp sanalady.
* * *
Senat depýtaty Ásem Rahmetova Soltústik Qazaqstan oblysyna sapary kezinde Ǵabıt Músirepov aýdanynyń turǵyndarymen kezdesti. Kezdesý barysynda aýyl turǵyndary «Petropavl – Jezqazǵan» avtojolyn jóndeý máselesin kóterdi. Senator bul máseleni nazarǵa alatynyn atap ótti.
«Bul jolǵa kúrdeli jóndeý qajet. Jamap-jasqaı salý jetkiliksiz. Oǵan osy jerge keler kezde de kezekti ret kóz jetkizdik. Biz bul máseleni sheshýge yqpal etemiz. Qazir soǵan baılanysty barlyq túıtkilderdi nazar alý úshin arnaıy keldik. Biz jerlesterimizdi ne tolǵandyratynyn ózderinen estip, problemalardy sheshýge kómekteskimiz keledi», dedi Ásem Rahmetova.
Sonymen qatar kezdesýde aýdanǵa kópsalaly emhana qajet ekeni aıtyldy. Qazirgi tańda jergilikti jerdegi týbdıspanser ǵımaratyn qaıta qurý jáne ony emhanaǵa qaıta beıindeý týraly másele qaralyp jatyr.
Sondaı-aq depýtat Shal aqyn aýdanynda bolyp, Krıvoshekov orta mektebinde júrgizilip jatqan kúrdeli jóndeý jumystarymen tanysty. Atalǵan iske memlekettik baǵdarlama aıasynda munda 127 mıllıon teńgeden astam qarajat qarastyrylǵan.
Senator aýylda turatyn balalardyń sapaly bilim alýy, taza ári jaryq ǵımaratta oqýy mańyzdy ekenin atap ótti. Odan bólek, depýtat taǵy eki mektepti jóndeý barysymen tanysyp, Ybyraı aýylynda qalpyna keltirilgen mádenıet úıine bardy.
