Saqshylar boıjetkendi ólimnen qutqardy

Túnde pavlodarlyq jas jigit Tóle bı aýdandyq PB-ǵa habarlasyp, Túrkistan oblysynda turatyn tanysy óz-ózine qol jum­­­­saǵaly jatqanyn jáne ony tez arada qutqarý kerekti­gin aıt­­­­qan. Polısııa qyzmetker­le­ri Esen­ǵalı Asqarbekov pen Beı­ba­rys Serikbaev birden qyz­dyń tur­­ǵylyqty mekenjaıyn anyqtap, dereý sol jer­­ge barady. Ýchaskelik ıns­pek­­­torlar úıdiń qaqpasyn qaq­­qa­nymen, eshkim ashpaǵan. So­dan keıin tártip saqshylary ýaqytty jo­ǵaltpaý kerektigin túsinip, qaq­padan sekirip túskende beıtanys áıel júgirip shyǵyp, polıseılerdiń ne istep jatqanyn suraıdy. Olar qo­ńy­raý arqyly kelgenderin túsin­di­redi, alaıda áıel qyzynyń óz ból­mesinde uıyqtap jatqanyn aıtady.

Tártip saqshylary senimdi bolý úshin qyzdyń bólmesin tek­serýge sheshim qabyldaıdy. Osy­laısha, olar qyzdyń bólmede joq ekenin jáne asúıde qosh­ta­sý haty turǵanyn kóredi. Olar úıdiń barlyq bólmesin qa­­ra­­ǵanymen, qyzdy tappaıdy. Beı­barys Serikbaev úıdiń tóbe­­si­ne aparatyn baspaldaqty baı­qap, oǵan kóterilip, sol sátte arqanǵa ilýli turǵan qyzdy kór­gen. Ýchaskelik qyz­­metker de­reý áriptesin kómekke shaqy­ryp, biri qyzdy kóterip, ekin­shi­si ilmek­ti kesip tastaıdy. So­­dan ke­ıin polıseıler oǵan al­ǵash­qy medı­sınalyq kómek kórsetedi: olar jansyzdanǵan aıaq-qolyn ýqa­lap, jasandy tynys berip, jedel járdem shaqyrady.

Qyraǵylyq pen jedel áre­ket­tiń arqasynda polıseıler osylaı­sha 24 jastaǵy qyzdy ólim­­nen qutqaryp qaldy. Qazirgi ýaqyt­ta qyz­dyń jaǵ­daıy turaqty. Oqıǵanyń tolyq mán-jaıy áli de anyqtalyp jatyr. Anasy tártip saqshylaryna shyn júrekten al­ǵy­syn bildirdi. Son­daı-aq po­lı­seılerge dárigerler de al­­ǵys aıtyp, qyzdyń ýaqytynda qut­­qa­rylǵanyn, sapaly alǵash­qy kó­mek kórsetilgenin atap ótti. Dá­ri­­ger­lerdiń aıtýynsha, eger tártip saq­shylary bir­neshe sekýndqa keshik­ken­de, qyz ómir­men qoshtasýy múmkin edi.

Polısııa qyzmetkeri Esen­ǵa­lı Asqarbekov 2009 jyldyń qyr­kú­ıeginen beri ishki ister organdarynda jumys isteıdi. Úı­lengen, úsh ul tárbıelep otyr. Al Beıbarys Serikbaev – bel­gili ánshi ári kompozıtor Er­jan Serikbaevtyń uly. О́nerpaz, ókinishke qaraı, týǵan qala­sy Arysta 51 jasynda jol apatynan qaıtys bolǵany belgili. Qaıǵyly oqıǵadan keıin jas jigit óz ómirin po­lısııa qyz­metimen baılanystyrýǵa sheshim qabyldapty. Beıbarys 2022 jyldan bastap ishki ister organdarynda qyzmet atqarady.