Ýnıversıtet rektory Salamat Idrısovtiń aıtýynsha, baıqaýdyń maqsaty – stýdentter arasynda Ata Zańdy ulyqtap, jastardyń quqyqtyq saýatyn arttyrý. Bıyl baıqaýǵa qatysýǵa ár mamandyqta oqıtyn 250 stýdent nıet bildiripti.
«Baıqaýǵa qatysýshylar alǵashqy kezeńde Konstıtýsııanyń erejelerin bilý deńgeıin anyqtaý úshin 25 suraqqa jaýap berdi. Al ekinshi kezeńge ótkenderge Ata Zańnyń barlyq babyn jatqa aıtý talaby qoıyldy», deıdi Salamat Idrısov.
Stýdentter saıysyna Atyraý qalalyq sotynyń, prokýratýra men jeke sot oryndaýshylardyń ókili, ýnıversıtettiń azamattyq-quqyqtyq pánder kafedrasynyń oqytýshylary qazylyq etti. Baıqaý qorytyndysymen úsh stýdent qatarlastarynan ozyp shyqty.
Máselen, úshinshi oryndy ıelengen ekologııa mamandyǵynyń stýdenti Botakóz Intımahovaǵa birjyldyq oqý aqysyna 30 paıyz jeńildik berildi. Al ekinshi orynǵa ıe bolǵan qylmystyq-quqyqtyq pánder kafedrasynyń stýdenti Medına Ábdesh oqý aqysynyń 50 paıyzyn jeńildikpen tóleýge múmkindik alyp otyr. Ata Zańnyń barlyq babyn jatqa biletin azamattyq-quqyqtyq pánder kafedrasynyń stýdenti Jáńgir Temirhanov birinshi júldeni enshiledi. Endi ol ýnıversıtette bir jyl tegin oqıdy.
Atyraý oblysy
