Saltanatty mereke

Ata Zańymyz – asyl qazyna­myz. Basty zań­ǵa engizilgen óz­­ge­rister men tolyqtyrýlar aza­­mat­tardyń quqyqtaryn qor­­ǵaý tetikterin kúsheıte tú­sip, eli­­­miz­diń damý baǵyt-baǵ­da­ryn aıqyndap ber­di. Halyq­tyń tań­daýy Kons­­­tı­týsııa­myz órke­nıetti mem­­lekettiń bar­ly­ǵyna tán de­mokra­tııalyq qaǵı­dalarmen to­­lyqtyrdy. Basty qun­dyly­ǵy­myz – Táýelsiz­digimiz tuǵyrly bo­lyp, birligimiz jasaı ber­sin. Ár shańyraqta qut-bereke, yrys pen yn­ty­maq saltanat qursyn», dedi shahar basshysy.

Merekelik jıynda qoǵam­nyń belsen­di azamattary – eń­­­bek ozattary Kons­tıtýsııa kú­ni­ne oraı marapattaldy. Mara­­­pat­­talǵandardyń biri Rahat Momy­­novanyń kitap­hana salasynda eńbek etip kele jatqanyna 27 jyl bolǵan. Sonyń 17 jyldan astam ýa­qytynda megapolıstegi Abaı atyndaǵy kitaphananyń oqyr­mandarǵa qyzmet kórsetý bó­liminiń meńgershisi qyzmetin atqaryp keledi.

Ki­tap­hanashy – óte qyzyqty ma­man­dyq. Jan azyǵynyń or­da­syndaǵy qyzmet rýhanı jutań­dyqty sezdirmeıdi. Ta­laı adamdy kóresiń. Olarmen tildesip, óziń de bilimińdi tolyqtyrasyń. Týǵan jerim Jańaqorǵanda 5 jyl, odan Arys qalasynda 5 jyl kitap­hana­shy bolsam,  Shymkenttegi Abaı kitap­hanasyndaǵy qyzme­time 17 jyldan asyp barady. Bú­gingi jastar kitap oqıdy. Jas aqyndar óleńderin oqyp, aqyn­dyq keshterin ótkizip ja­tady. Sondyqtan jas­tar kitap oqymaıdy deý beker. Kons­tıtý­sııa­daǵy jańa ózgeristermen eli­miz Jańa Qazaqstanǵa qadam bas­ty. Al onyń jastary bilim­di, aqyldy, zerek. Ony óz tájirı­bemnen kórgen keıin aıtyp otyrmyn. Demek bizdi jar­qyn keleshek kútip tur. Sebebi jastary belsendi qo­ǵam ǵana alǵa ozady», dedi R.Mo­mynova.

Merekege jınalǵan aza­mat­tardyń ár­qaısysy da Kons­tıtýsııa zań kepili, zań­dar men erejelerdiń basty qu­jaty, son­dyqtan oǵan qurmet erekshe bolý kerek degen oılaryn jet­kizdi. Tildesken turǵyn­dar­dyń aıtqan pikiri bireý ǵa­na, el egemendigin alǵaly beri zańdylyqtyń ústemdigin qam­tamasyz etip kele jatqan Konstıtýsııaǵa baǵynyp ómir súrý – respýblıkanyń árbir sanaly azamatyna paryz. Keıingi jas urpaq ta sol tárbıemen ósý qajet.

Saltanatty kesh sońy fılarmonııa, opera jáne balet teatry, Shymkent sırk ujymdarynyń daıyndaǵan merekelik konser­tine ulasty. Sonymen birge «Uly dala shejiresi – Ata Zań» atty konserttik baǵdarlamada «Qasym hannyń qasqa joly», «Esim hannyń eski joly», Táýke han­nyń «Jeti jarǵysynan» búgingi kúnge deıingi zańdardyń damý tarıhy men qazaq eliniń qu­qyqtyq mádenıetiniń qa­lyp­­tasý kezeńderinen syr shertildi.

ShYMKENT