Prezıdentimizdiń bul Joldaýy bizdiń aldyńǵy qatarly damyǵan el, qýatty memleket bolýdyń ózekti ári mańyzdy baǵdary men baǵdarlamasy dep qabyldadym! О́ıtkeni álemniń búgingi damýynyń qarama-qaıshylyqtary men buryn damyǵan elderdiń bir birimen qyrǵı-qabaq eregisýi jáne sol kelip qarýly qaqtyǵystarǵa uryndyryp, qalyptasqan, jumys istep turǵan burynǵy ekonomıkalyq jáne saıası júıeni ydyratyp, álsiretip jatqandyǵy dúnıeniń damýyn tejep, keı jaǵdaıda aýyr jaǵdaılar qalyptastyryp otyrǵany anyq. Tynyshsyz álemniń tynbaı jáne tynshymaı turǵan jaǵdaıynda Qazaqstan búgin jáne aldaǵy ýaqytta qalaı damýy kerek?
Mine, barlyq halqymyzdy oılandyryp ta, tolǵandyryp ta otyrǵan osy alań jaıǵa Prezıdentimiz tolyq jaýap berip, aldaǵy ýaqytta elimizdiń ekonomıkalyq qýatyn arttyrýdyń eń ózekti degen, eń ómirsheń degen máselelerdi alǵa tartyp, solardy sheshýdiń naqtyly joldaryn da, sheshilýge tıisti merzimi men ýaǵyn da naqtyly atap kórsetti. Prezıdentimizdiń halyqty tolǵandyryp otyrǵan jáne aıtylyp ta júrgen jaıdy tolyq biletindigine kózim jetti.
Bul Qasym-Jomart Toqaevtyń «halyq únine qulaq asatyn memleket qurý» saıasatynyń alǵashqy bir jemisi bolsa kerek. Bizdi oılandyratyn da, tolǵandyratyn da, jedel qolǵa alyp, jappaı kirisetin sharýa jetip artylady. Osy oraıda Prezıdentimiz halqymyzdyń turmysyn jaqsartýdyń jáne elimizdi damytýdyń barlyq ózekti máselesin úlken jaýapkershilikpen jáne shynaıy janashyrlyqpen qozǵady. Tipti tolǵan aıtty dese de bolǵandaı!
Halyqtyń turmysyn jaqsartý kerek pe? Kerek árıne! Aýyl sharýashylyǵy ónimderin tereńdete óńdeý, ónerkásip óndirisiniń qýatyn arttyrý, Qazaqstan ónimderin álemdik rynokqa shyǵarý, bank-qarjy júıesin jetildirý, Sýdy uqypty jumsaý sııaqty búgingi kúnniń kúıip turǵan osy máselelerin Joldaýda aıta otyryp, Prezıdentimiz bulardy sheshý úshin ǵylym men ozyq tehnolgııalardy qoldaný qajettigin taǵy da alǵa tartty.
Qazaqstandyq qoǵamdy birazdan beri alańdatyp, túrli pikirler týǵyzyp júrgen atom elektr stansııasyn salý-salmaý máselesin Jalpyhalyqtyq referendým arqyly sheshiletindigi aqylǵa qonymdy. Bul jaıly qazaqstandyqtar óz oılaryn anyq aıtatyn bolady. Bul Memleket basshysynyń asa mańyzdy ári kúrdeli máseleniń barlyǵy da tek halyqpen aqyldasyp, halyqpen kelisip jasaımyz degen Prezıdenttik, Demokrattyq ustanymyna berik ekendigin taǵy bir dáleldep otyr.
Joldaýda aıtylǵan ár máseleniń ózeginde bizdiń elimiz ben halqymyzdyń búgini men bolashaǵy, myna búgingi alań dúnıede alańsyz ómir súrip, memleketimizdi nyǵaıtyp, onyń turaqty damyp, qýatty memleket bolýymyzdyń tarıhı joly aıqyndalyp otyr.
Jabal ERǴALIEV,
Qazaqstannyń eńbek sińirgen qaıratkeri,
Senatorlar keńesiniń múshesi.
