«Halqymyz «Sýdyń da suraýy bar» dep beker aıtpaǵan. Sý – únemdep paıdalanbasa, tez taýsylatyn shekteýli resýrs. Onsyz sharýalardyń kúni qarań. Sol sebepti bul salada zańsyzdyqqa jol berilmeıdi. Talapqa baǵynbaıtyndar qatań jazaǵa tartylady. Elimiz úshin sýdyń mańyzy munaı, gaz nemese metaldan kem emes. Sý sharýashylyǵy júıesin tıimdi damytý máselesimen derbes mekeme aınalysýy qajet dep sanaımyn», dedi Prezıdent.
Sý máselesi, aýyz sý, ony únemdep paıdalanýdyń ózektiligi artqanyn keıingi kezde kórip otyrmyz. Endeshe bul basty másele ekeni túsinikti. Soǵan baılanysty Sý mınıstrligi qurylyp, muny retteýdiń tetikteri atalǵan vedomstvoǵa júktelmek. Bul biz úshin óte úlken jetistik. Elimiz transshekralyq ózenderge táýeldi. Sol sebepti sý jetispeıdi. Osy máseleni «Baıtaq» partııasy únemi kóterip keldik.
Sonymen qatar Memleket basshysy atom elektr stansasyn salý jóninde pikir bildirip, ony halyqtyq referendýmǵa shyǵaratynyn málimdedi. Eger kópshilik qoldaý bildirse, onda AES salynady. Menińshe, atom elektr stansasy elimizge kerek. Bul – ǵylymnyń jetistigi. «Baıtaq» partııasynyń ustanymy osyndaı. Biraq tehnologııany durys tańdaǵanymyz jón. Damyǵan, álemdegi eń qaýipsiz AES salý kún tártibine shyǵady. О́ıtkeni keleshekte energetıkalyq daǵdarys ornaıtyny túsinikti.
Qazirgi tańda qoǵamda AES salýǵa qatysty daýdan góri, onyń qurylysyn kim júrgizetini jıi talqylanyp jatyr. Menińshe, Fransııa, Japonııa sekildi tehnologııasy damyǵan elderdi tańdaǵan jón. Osylaısha, zamanaýı tásilder arqyly qaýipsiz atom elektr stansasyn sala alamyz.
Azamathan ÁMIRTAI,
«Baıtaq» jasyldar partııasynyń jetekshisi
