Agroǵylymdy naqty qoldaý jemis beredi

Birinshiden, qazirgi aýyl sharýa­shylyǵy – joǵary tehnolo­gııalyq sala. Sharýalardy jer jaǵdaıy nemese aýa raıy emes, ınno­vasııalyq amal-tásilder tabysqa jetkizedi. Zamanaýı ǵylymǵa súıenbese, aýyl sharýashylyǵy jaı toqyraýǵa emes, qurdymǵa ketedi. Sol sebepti Memleket basshysy baǵdar bergendeı, agroǵylymdy damytý jáne eń bastysy, ony is júzinde qol­daný úshin sharalar qabyldaý qa­jet. Ulttyq agrarlyq ǵylymı-bilim berý ortalyǵyn zertteý isiniń barlyq satysyn qamtıtyn agrotehnologııa habyna aınaldyrý keregin basa aıtqany biz úshin óte mańyzdy. Bul máseleni sheshpeı, elimizdiń ekonomıkasyn tolyqqandy damytý kúrdeli bolmaq. Sondyqtan Prezıdent aýyl sharýashylyǵyn zamanǵa sáıkes damytý maqsatynda naqty usynystar, tapsyrmalar berdi. Bul úshin memlekettik retteý jáne osy salaǵa salyqtyq, basqa da je­ńildikter qarastyrylǵany qýan­tady.

Atalǵan salany damytýdyń taǵy bir joly retinde Prezı­dent sheteldiń tanymal agro-ǵylymı orta­lyq­ta­rymen tolyq­qan­dy ǵylymı-tájirıbelik yn­ty­maq­tastyq ornatý keregin atap ótti. Sondaı-aq Memleket bas­­shysy Joldaýda «Biz jeke ǵylymı-tehnologııalyq bas­ta­malardy qoldaımyz. Bilim berý baǵdarlamalaryn aýyl sharýa­shy­lyǵy talaptaryna beıim­deımiz. Egin sharýashy­ly­ǵynda mańyzdy reforma jasaıtyn kez keldi. Egis túrlerin kóbeıtýimiz kerek. Kóbi­rek paıda ákeletin daqyldar ekken jón. Sýdy kóp qajet ete­tin egis alqabyn birtindep azaıtyp, bir ǵana daqyl túrin egýdi shekteý qajet. Dıqandardy jergi­lik­ti tuqymmen qamtamasyz etý ma­ńyzdy. Sonymen qatar jańa suryptardy shyǵaryp, ony ósirý máselesin sheshken jón», dedi. S.Seıfýllın atyndaǵy Qazaq agrotehnıkalyq zertteý ýnı­versıteti men ýnıversıtet qura­myndaǵy toǵyz ǵylymı-zert­teý ınstıtýty ǵalymdarynyń bul rettegi ǵylymı izdenisteri orasan zor. Qazirgi tańda ýnıversıtetimiz aýyl sharýashylyǵy salasynyń kóshbasshylary Nıderland Ko­rol­­digindegi Vagenıngen ýnı­versıteti, Fransııadaǵy Agro­pa­rıjteh ýnıv­ersıteti, Shvesııa aýyl shar­ýa­shylyǵy ýnıversıteti, Reseı halyqtar dostyǵy jáne 188 halyq­aralyq ýnıversıtetpen tyǵyz jumys isteıtinin atap ótkim keledi.

Ekinshiden, Qazaqstanda sý máselesi jyldan-jylǵa kúrde­lenip keledi. Sý máselesi – jalpy planetarlyq másele. Elimiz bul problemaǵa qa­zirdiń ózinde tap bolyp otyr. Bul máseleni sheshýdiń kóptegen joly aıtyldy. Eń negizgisi, sý máselesimen keshendi túrde aınalysatyn Sý sharýashylyǵy jáne ırrıgasııa mınıstrligi qu­rylady. Bul – óte durys sheshim.

Qoryta aıtqanda, Prezıdent Joldaýynda aıtylǵan másele­ler bolashaǵymyzǵa degen múm­kindigimiz ben senimimizdi nyǵaı­tady. Al Joldaýda aıtyl­ǵan tapsyrmalardyń júzege asýyna barlyǵymyz úlken jaýap­kershilikpen atsalysýymyz qa­jet.

Qanat TIREÝOV,

S.Seıfýllın atyndaǵy Qazaq agrotehnıkalyq

zertteý ýnıversıtetiniń basqarma tóraǵasy-rektory,

UǴA akademıgi