«Memleket basshysynyń Jarlyǵymen Marat Kárimjanuly Qarabaev Qazaqstan Respýblıkasynyń Kólik mınıstri laýazymyna taǵaıyndaldy», delingen habarlamada.
Marat Qarabaev 1987 jyly О́zbekstan Respýblıkasynyń Tashkent oblysynda dúnıege kelgen.
Tashkent avtomobıl joly ınstıtýtyn, Ýorvık ýnıversıtetin (Ulybrıtanııa), M.H. Dýlatı atyndaǵy Taraz memlekettik ýnıversıtetin bitirgen.
Eńbek ótili:
Eńbek jolyn 2011 jyly QR Aýyl sharýashylyǵy mınıstrliginiń Sý sharýashylyǵy komıtetiniń Sý sharýashylyǵy ǵımarattarynyń jelilerin paıdalaný jáne damytý basqarmasy sarapshysynyń mindetin atqarýshy retinde bastady.
2011 jyldan 2013 jyl aralyǵynda — Indýstrııa jáne jańa tehnologııalar mınıstrligi Jańa tehnologııalar jáne energııa únemdeý departamenti Servıstik ındýstrııany tehnologııalyq damytý basqarmasynyń sarapshysy, bas sarapshysy.
2014-2015 jyldary — Ońtústik Qazaqstan oblysy Kásipkerlik jáne ındýstrıaldy-ınnovasııalyq damý basqarmasy basshysynyń orynbasarynyń mindetin atqarýshy.
2015-2017 jyldary — Ońtústik Qazaqstan oblysynyń Kásipkerlik jáne ındýstrıaldy-ınnovasııalyq damý jáne týrızm basqarmasynyń basshysynyń orynbasary, basshysy.
2018-2019 jyldary — Sıfrlyq damý, qorǵanys jáne aeroǵarysh ónerkásibi mınıstrliginiń Qorǵanys-ónerkásip keshenin damytý departamentinde basshylyq qyzmetter atqardy.
2019 jylǵy tamyzdan 2020 jylǵy shilde aralyǵynda Indýstrııa jáne jańa tehnologııalar mınıstrliginiń Qorǵanys-ónerkásip keshenin damytý departamentiniń dırektory qyzmetin atqardy.
2020 jylǵy shildeden 2021 jylǵy qańtarǵa deıin – QR IIDM Indýstrııalyq damý jáne ónerkásiptik qaýipsizdik komıtetiniń tóraǵasy.
2021 jylǵy qańtardan bastap qazirgi ýaqytqa deıin QR IIDM Indýstrııalyq damý komıtetiniń tóraǵasy bolyp jumys istedi.
2021 jylǵy 7 shildede Indýstrııa jáne ınfraqurylymdyq damý vıse-mınıstri bolyp taǵaıyndaldy.
2023 jylǵy 4 qańtarda Memleket basshysynyń Jarlyǵymen Qazaqstan Respýblıkasynyń Indýstrııa jáne ınfraqurylymdyq damý mınıstri laýazymyna taǵaıyndalǵan edi.
