«Servıstik polısııany damytý isin jalǵastyrý kerek. Ol úshin turǵyndarǵa quqyq buzýshylyqtarǵa múldem tózbeýshilik qaǵıdatynyń saqtalýyn qamtamasyz etýge múmkindik beretin yntymaqtastyqtyń ózara tıimdi joldaryn usyný qajet. Kámeletke tolmaǵandardyń quqyqtaryn qorǵaý júıesi de aıtarlyqtaı ózgeristerdi qajet etedi. Bıyl 30 maýsymda IIM keńeıtilgen alqa otyrysynda bergen tapsyrmalarymnyń iske asyrylýyn qamtamasyz etý kerek. Júktelgen mindetter – óte mańyzdy. Sondyqtan olardy tabysty oryndaý úshin barlyq jeke quram jáne eń aldymen, mınıstrlik basshylyǵy judyryqtaı jumylýy qajet», dedi Qasym-Jomart Toqaev.
Prezıdent IIM basshylyǵyna júktelgen mindetterdi sapaly ári ýaqtyly iske asyrý isinde tabys tiledi.
