«Qurmetti dostar, barlyǵyńyzdy bilim kúnimen quttyqtaımyn. Men úshin, meniń otbasym úshin de bul erekshe kún. Búgin meniń qyzym Eva-Marııa 1-synypqa bardy. Qyzymnyń qazaq synybyna barýy jaıdan-jaı emes, biz úshin jańa memleket, jańa til. Kez kelgen ata-ana da tolqıdy dep oılaımyn. Qazaqstan bizdi qushaq jaıa qarsy alyp, osyndaı múmkindik týdyrǵany úshin baqyttymyn!» dedi bloger.
Ivan Chervınskıı qazaq óner juldyzdary men sportshylarynyń álemdik sahnalardaǵy jetistigi men dúbirli dodalardaǵy jeńisin áleýmettik jelide, ıýtýb arnasynda áıgilep habar taratyp keledi.
Memleket basshysy Qasym-Jomart Toqaev kóktemde reseılik blogerdi Qazaqstan halqy Assambleıasynyń sessııasynda Alǵys hatpen marapattaǵan bolatyn. Qazaqstanǵa túbegeıli qonys aýdarǵan bloger qazaq tilin úırenip júrmin deıdi. Blogerdiń til syndyryp, qyzyn qazaqsha oqytýǵa sheshim qabyldaýy oqyrmandarynyń úlken qoldaýyna ıe boldy.
