Ermek Boranbaıuly Marjyqpaev Aqmola oblysynyń ákimi laýazymynan bosatylyp, qaıta qurylymdalǵan Týrızm jáne sport mınıstrliginiń tizginin ustady.
Ol 1969 jyly týǵan, Selınograd qalasynyń týmasy. S.Seıfýllın atyndaǵy Aqmola memlekettik pedagogıkalyq ınstıtýtyn (tarıh muǵalimi), «Turan» ýnıversıtetin (zańger), Kókshetaý ýnıversıtetin (qarjy bakalavry) bitirgen.
Eńbek jolyn 1991 jyly Astana qalasy № 29 OM dene shynyqtyrý muǵalimi, bokstan jattyqtyrýshy bolyp bastady.
1992-1993 jyldary — Aqmola oblysy, Shýchınsk aýdany, Býrabaı kenti, № 7 OM tarıh muǵalimi.
1993-1994 jyldary — «Shonaı» ShJK dırektory.
1994-2008 jyldary — «Bereke-Býrabaı» JShS dırektory.
2008-2012 jyldary — Aqmola oblysy Arshaly aýdanynyń ákimi.
2012-2013 jyldary — Aqmola oblysy Zerendi aýdanynyń ákimi.
2013-2014 jyldary — Aqmola oblysy ákiminiń orynbasary.
2014-2015 jyldary — Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń Memlekettik ınspektory.
2015-2019 jyldary — Aqmola oblysy Kókshetaý qalasynyń ákimi.
2019 jylǵy naýryzda Aqmola oblysynyń ákimi bolyp taǵaıyndaldy.
