О́ıtkeni álemde bolyp jatqan qaıshylyqtar, damyǵan elderdiń bir-birimen qyrǵı-qabaq eregesýi, qarýly qaqtyǵystar qalyptasqan ekonomıkalyq jáne saıası júıeni ydyratyp, álsiretip jatyr. Osynyń barlyǵy álemniń damýyn tejep, keı jaǵdaıda aýyr jaǵdaıǵa ákelip otyrǵany anyq. Tynyshsyz álem jaǵdaıynda elimiz búgin jáne aldaǵy ýaqytta qalaı damýy kerek? Búkil halqymyzdy alańdatyp otyrǵan osy suraqqa Prezıdent tolyq jaýap berdi. Aldaǵy ýaqytta elimizdiń ekonomıkalyq qýatyn arttyrýdyń eń ózekti, ómirsheń degen máselelerdi sheshýdiń naqty joldaryn, sheshilýge tıis merzimi men ýaqytyn da naqtylap kórsetti. Prezıdentimizdiń halyqty tolǵandyryp otyrǵan jáne aıtylyp júrgen jaıdy tolyq biletindigine kózim jetti.
Bul Qasym-Jomart Toqaevtyń «Halyq únine qulaq asatyn memleket qurý» saıasatynyń alǵashqy bir jemisi bolsa kerek. Bizde jedel qolǵa alyp, jappaı kirisetin sharýa jetip artylady. Osy oraıda Prezıdent halqymyzdyń turmysyn jaqsartýdyń jáne elimizdi damytýdyń barlyq ózekti máselesin úlken jaýapkershilikpen jáne shynaıy janashyrlyqpen qozǵady.
Memleket basshysy aýyl sharýashylyǵy ónimderin tereńdete óńdeý, ónerkásip óndirisiniń qýatyn arttyrý, otandyq ónimderdi álemdik rynokqa shyǵarý, bank-qarjy júıesin jetildirý, sýdy uqypty jumsaý sııaqty búgingi kúnniń kúıip turǵan máselelerin sheshý úshin ǵylym men ozyq tehnologııalardy qoldaný qajettigin taǵy da alǵa tartty.
Qoǵamdy birazdan beri alańdatyp, túrli pikirler týǵyzyp júrgen atom elektr stansasyn salý-salmaý máselesi jalpyhalyqtyq referendým arqyly sheshiletindigi aqylǵa qonymdy. Bul jaıly otandastarymyz oılaryn anyq aıtatyn bolady. Bul Memleket basshysynyń asa mańyzdy ári kúrdeli máseleniń barlyǵy da tek halyqpen aqyldasyp, kelisip jasaımyz degen demokrattyq ustanymyna berik ekendigin taǵy bir dáleldep otyr.
Joldaýda aıtylǵan ár máseleniń ózeginde halqymyzdyń búgini men bolashaǵy jatyr. Qazirgideı almaǵaıyp álemde alańsyz ómir súrip, memleketimizdi nyǵaıtyp, onyń turaqty damyp, qýatty memleket bolýymyzdyń tarıhı joly aıqyndalyp otyr.
Jabal ERǴALIEV,
Qazaqstannyń eńbek sińirgen qaıratkeri, Senatorlar keńesiniń múshesi
