Aýdandyq qurylys bóliminiń basshysy Altynbek Ǵabdýllınniń aıtýynsha, «Nurly jer» baǵdarlamasymen Inderbor kentindegi «Kóktem» shaǵyn aýdanynda 4 turǵyn úı boı kótergen. Onyń árqaısysynda 48 páter bar. Tórt qabatty turǵyn úılerdiń qurylysyn «Evrostroı» JShS, abattandyrý jumystaryn «Agrospesmontaj» JShS júrgizgen. Jańa turǵyn úıler ortalyqtandyrylǵan jylý qazandyǵyna qosylǵan.
Inder aýdany ákiminiń orynbasary Áset Orazǵalıevtiń deregine súıensek, memlekettik baǵdarlama aıasynda salynǵan turǵyn úıden 192 otbasyna jańa páter berilip otyr. Onyń ishinde kópbalaly – 106, áleýmettik turmysy tómen 69 otbasy bar. Sondaı-aq ata-ana qamqorlyǵyn kórmeı ósken 17 jasóspirim de jańa baspanaǵa ıe boldy.
Máselen, Raıgúl Botaevanyń otbasy asyraýshysynan aıyrylǵandar sanatyna kiredi. Buǵan deıin basybaıly baspanasy bolmaǵan. Sol sebepten, 20 jylǵa jýyq páter jaldap kelgen.
«Bul – bizdiń kóp jyl armandaǵan baspanamyz. О́ıtkeni tabysymyzdan qarjy jınap, úı alýǵa múmkindigimiz bolmady. Endi, mine, memlekettik baǵdarlamamen salynǵan turǵyn úıden jańa páterdiń kiltin aldyq. Qýanyshqa kenelip turmyz. Ásirese balalarymyzdyń qýanǵanyn kórýden asqan baqyt bolmaıtynyna kózim jetti», deıdi Raıgúl Botaeva.
Bir kúnde 192 otbasy bir-biriniń kól-kósir qýanyshyn bólisip, baspanaly bolý baqytyna bólendi. Onyń ishinde bir-biriniń qýanyshyn bólisken birinshi toptaǵy qyzyn tárbıelep otyrǵan N.О́tegenova, kópbalaly B.Ibraeva, M.Qaıyrjanqyzy, G.Qabdolova syndy analar da bar.
Atyraý oblysy
