Kredıt alýdy shekteıtin qyzmet

Qyzmetke azamattyń tek ózi­niń ótinish berýge múmkindigi bar. Nesıe men mıkroqaryzdy rá­simdeýge ty­ıym salý 6 aıǵa bel­gilenedi jáne merzimi ótkennen keıin avtomat­ty túrde alynyp tastalady.

Sondaı-aq bul shekteýlerdi kez kelgen ýaqytta alyp tastaýǵa bolady. Ol úshin banktik qaryz­dardy alýdan erikti túrde bas tartý qyz­metin merziminen buryn toq­tatýǵa ótinim berý qajet.

«Bul fýnksııa eń aldymen, adam­­dardyń qaýipsizdigi úshin iske qo­­syldy. Biz osy arqyly el azamattaryn qaryzdy zań­syz rásimdeýge tyrysatyn alaıaq­tar­dan qorǵap, kó­mekteskimiz keledi», dep jazdy Sıfrlyq damý, ınnovasııalar jáne aeroǵarysh óner­kásibi mınıstri Baǵdat Mýsın óziniń Facebook-tegi jeke paraq­shasyna.

Aıta keteıik, dál osyndaı servıs Birinshi nesıe bıýrosynyń saıtynda aqyly negizde qoljetimdi. Elektrondy úkimet portalynda ótinim bergen kezde kredıtterdi alýdan erikti túrde bas tartý tegin júzege asyrylady. «Biz Birinshi nesıe bıýrosy men Elektrondy úkimettiń júıelerin biriktirdik. Iаǵnı, buryn azamattarymyz bıýro arqyly ótinish beretin bolsa, al endi nesıeden bas tartýdy eGov.kz aıasynda rásimdeı alady. Qazir bul fýnksııa qoljetimdi», dep naq­tylady mınıstr.

Qaryz alýdan erikti túrde bas tartý servısi eGov.kz mobile mobıldi qosymshasynyń bas­ty betinde, «Tanymal qyzmetter» bóliminde qoljetimdi. Osyǵan uqsas qyzmetti eGov.kz porta­lyn­daǵy «Aza­mattarǵa» – «Keden jáne salyq­tar» – «Ekonomıka jáne qar­jy» bóliminen alýǵa bolady.

«Bul servıs jeke tulǵanyń bank­tik qaryzdar men mıkrokredıtter alýdan erikti túrde bas tartýdy joıý quqyǵyn bekitýdi jáne qaryz alýshynyń kredıttik tarıhynda nesıe alýdan erikti túrde bas tartý týraly aqparat bolǵan kezde jeke tulǵaǵa nesıe berýge bankter men mıkroqarjy uıymdary úshin tyıym salýdy kózdeıtin zańnamalyq aktilerge ázirlengen túzetýler sheń­berinde iske asyrylǵanyn atap ótkim keledi. Servıske Sıfr­lyq damý, ınnovasııalar jáne aero­ǵarysh ónerkásibi mınıstrligi Mem­le­kettik kórsetiletin qyzmetter ko­mıtetiniń, Birinshi nesıe bıýronyń jáne «Ulttyq aqparattyq teh­no­­­logııalar» aksıonerlik qoǵa­my aqparattyq júıeleriniń ınteg­­rasııasy nátıjesinde qol jetkizdik», dedi mınıstr.