Sporttyq is-shara tańǵy jattyǵýmen bastaldy. Ár aımaqtan kelgen sportshylar dene qyzdyryp, básekege belsene daıyndaldy. Árqaısysy «jeńiske jetem» degen úmittiń jeteginde jigerlendi.
Jarysqa óńirdegi belsendi jastar, sportshylar, áýesqoı jeńil atletter, oblys turǵyndary men qonaqtary qatysty. Olar 18-den joǵary jáne 40-tan joǵary jas sanattary boıynsha baq synasty.
Igi istiń ótýine muryndyq bolǵan Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Jetisý oblysy boıynsha departamenti, oblystyq qoǵamdyq damý basqarmasy, Kóksý aýdanynyń ákimdigi, «Jetisý jastary» KMM-nyń fılıaly «Koksý jastary».
Taý jarysyn uıymdastyrýdaǵy basty maqsat – jastardyń boıynda adaldyq pen senimdilikti, parasattylyq pen sybaılas jemqorlyqqa múlde tózbeýshilikti qalyptastyrý. Sonymen qatar Jetisý oblysynyń turǵyndary men qonaqtaryn salamatty ómir saltyna yntalandyrý.
Bul dodaǵa barlyǵy 150-den asa adam qatysty. Nátıjesinde, 13 shaqyrym qashyqtyq boıynsha erler arasynda birinshi bolyp máre syzyǵyn Aman Nurkeldi, ekinshi bolyp Aıbol Omar kesti. Úshinshi oryn Esenbol Jańabekke buıyrdy. Al áıelder arasynda birinshi oryndy Aıjan Rahman, ekinshi oryndy Janlın Rostoveskaıa enshiledi.
6,5 shaqyrym qashyqtyqqa júgirýde erler arasynda jeńimpaz Danııar Ormanǵalı atandy. Ekinshi oryn Islam Amanǵosqa, úshinshi oryn Ákim Erkebaıǵa buıyrdy. Al áıelder arasynda Aqbaıan Nurmammet birinshi keldi. Márege ekinshi bolyp Juldyz Ahmetova jetti. Úshinshi oryndy Faırýza Atshabarova aldy.
6,5 shaqyrym qashyqtyq boıynsha 40-tan joǵary jas sanaty arasynda birinshi oryndy Erjan Janmaılov jeńip alsa, ekinshi oryndy Asqar Qojanov enshiledi. Úshinshi oryn Suńǵat Qaıyrtaevqa buıyrdy. Jeńimpazdar men júldegerler Alǵyshatpen jáne qarjylaı syılyqtarmen marapattaldy.
Jetisý oblysy
