Serjant mundaı tosyn jaıtqa Astana qalasynyń ońtústik-shyǵys shaǵyn aýdanyndaǵy týystaryna kelgen kezde tap bolǵan. «Kútpegen jerden jıenim kórshi turǵan kópqabatty úıdiń balkonynan bir qyzdyń sekirmek bolyp jatqanyn aıtyp aıqaılady. Muny kórip kireberiske júgirip baryp, jedelsatymen 14-qabatqa shyqtym. 15-qabatqa baspaldaqpen kóterildim. Qyzǵa dybyssyz jaqyndap keldim de, shap berip ustap, jerge túsirip aldym», deıdi Erik Ysqaqov.
35 jastaǵy áskerı qyzmetshi – tórt balanyń ákesi. Túrkistan oblysy Arys qalasynyń oq-dári qoımasyndaǵy jarylys kezinde turǵyndardy evakýasııalaýǵa qatysqan. Ásker salasynda kópti kórgen ol bul joly da ýaqytty tıimdi paıdalanyp, oqys jaǵdaıda batyl áreket etip, adam ómirin saqtap qaldy.
Serjant Ysqaqov óz áreketin erlik dep sanamaıdy, alaıda jasóspirimdi orny tolmas qaıǵydan qutqara alǵanyna qýanǵanyn jasyrmady.
