Osy bastamaǵa oraılas agenttik tarapynan júrgizilip jatqan jumystarǵa toqtalar bolsam, biz keıingi jyl boıyna tólem qabiletin joǵaltqan bankterdiń jumysyn retteý boıynsha zańnamalyq bastamalar paketin daıyndap jatyrmyz. Eger bank tólem qabileti joq dep tanylsa, salymshylardyń múddelerin qorǵaý maqsatynda onyń jumysyn retteýdiń naqty tetikteri bolýy kerek. Atalǵan bastamada bul prosedýradaǵy memlekettiń jáne bank aksıoneriniń róli egjeı-tegjeı jazylyp jatyr.
Buǵan deıin bankterdi tyǵyryqtan shyǵarý úshin bıýdjet qarjysy paıdalanylyp kelgen bolatyn. Aksıonerlerdiń jaýapkershiligi tolyqqandy anyq emes edi. Bizdiń mindetimiz – bank arqalaıtyn shyǵynnyń bárin birinshi kezekte aksıoner qarajatynyń esebinen ótetý. Iаǵnı daıyndalyp jatqan zańnamalyq pakette osy prosedýra aıqyn jazylady. Degenmen tólem qabiletin joǵaltqan bankterdi memleket esebinen qutqarý tetigi múldem alynyp tastalmaıtynyn aıta ketý kerek.
Eger memleket tarapynan kómek kerek degen sheshim qabyldansa, naqty qandaı aıryqsha jaǵdaıda járdem beriletini aıqyn jazylady. Mysaly, ol júıe quraýshy bank bolsa, aksıoner shyǵyndy múmkindiginshe óz esebinen jabady da, qalǵan bóligi memleket tarapynan óteledi. Taǵy da aıtaıyn, munyń bári salymshylar men memlekettiń múddesin qorǵaý úshin jasalady. Biz tıisti zań jobasyn jyl aıaǵyna deıin Parlamentke engizemiz.
Mádına ÁBILQASYMOVA,
Qarjy naryǵyn retteý jáne damytý agenttiginiń tóraǵasy
