«Jas ustaz – 2023» baǵdarlamasy elimizdiń aýyldyq jerlerdegi bilimine dem berdi. 180-nen astam ustaz týǵan mektepterine kóterińki kóńil kúı, kásibı shabytpen oraldy.
Bıylǵy «Jas ustaz – 2023» baǵdarlamasynda aýylda eńbek etip júrgen tabysty jas ustazdar bas qosty. Olardyń barlyǵy aýyldyq bilim berýdiń áleýetin damytý aıasyndaǵy jobaǵa qatysyp jatqan tirek mektepterde jumys isteıdi.
– Jańa oqý jyly bastalmas buryn jas muǵalimderdiń respýblıkalyq forýmyn ótkizýdiń ózektiligi sonda, olardyń árqaısysy óziniń jeke damý traektorııasyn bilim berýdegi álemdik trendtermen salystyra alady. Aýyl mektebinde jumys isteý – naǵyz mıssııa ekenin bárimiz túsinemiz, al «Jas ustaz» kásibı damýdyń jańa kezeńin ashty, – dedi delegattarǵa Bilim berý jónindegi jahandyq komıssııanyń Azııa habynyń komıssary Kúlásh Shámshıdınova.
Ár forýmda «Galstýksiz kezdesýge» Oqý-aǵartý mınıstriniń kelýi dástúrge aınalyp barady. Oqý-aǵartý mınıstri Ǵanı Beısembaevtyń ekspromttary qanatty sózderge aınalyp, forým delegattary ózderine túrtip aldy.
Elimizdiń bas ustazynyń shyn júrekten shyqqan sózderine zal dý qol shapalaqtady.
«Galstýksiz kezdesýdiń» ekinshi kúni «Aitas KZ» holdınginiń bas dırektory, Bilim berýdi turaqty damytý qorynyń negizin qalaýshy Serık Tolýkpaevtyń tabys tarıhy forýmnyń barlyq qatysýshylaryn shabyttandyrdy.⠀
Júzýden halyqaralyq dárejedegi sport sheberi, jasóspirimderdiń Birinshi Azııa paralımpıada oıyndarynyń júldegeri Azamat Orazbek, ǵalym-zertteýshi, «Mbionics» kompanııasynyń negizin qalaýshy, biregeı ekzoskelettiń avtory Máýlen Bekturǵanov, «bokstan halyqaralyq dárejedegi sport sheberi, halyqaralyq jarystardyń jeńimpazy ári júldegeri, balalarǵa arnalǵan boks seksııasynyń jetekshisi Muhıt Amantaevpen kezdesýden shabyttanǵan ustazdar qanshama ret qol soqqanyn esepteý qıyn.
Olardyń árqaısysyn óz zamandastaryna shabyt pen jiger bere alatyn absolıýtti motıvasııalyq kóshbasshy dep ataýǵa bolady.
Forýmda qazirgi kásibı basymdyqtarǵa arnalǵan taqyryptyq alańdar jumys istedi. Atap aıtqanda, tıimdi josparlaý, fýnksıonaldyq saýattylyqty qalyptastyrý, emosıonaldy ıntellektini damytý, muǵalim jumysyndaǵy zertteýler, oqytýdaǵy saralaýlar, baǵalaý syndy taqyryptar talqylandy.
Forým delegattary bolashaq mekteptiń eń batyl jáne shyǵarmashylyq úlgilerine arnalǵan pedagogıkalyq kvest uıymdastyrdy. Onda olar «Armandaǵy mektep – kıiz úı bolǵanda, buryshqa eshkim turmaıdy» degen qorytyndyǵa keldi. Olar Ybyraı Altynsarın atyndaǵy «Qara shańyraq», Sammerhıll jáne Montessorr, Valdorf, «Dalton-plan» mektepterin ǵana emes, ózderiniń manıfestterin de usyndy.
«Muǵalim jumysyndaǵy zertteýler» taqyryby ulttyq qundylyǵymyz – kıiz úıdiń assosıasııasymen keremet ushtasqan bolar edi. Forým qatysýshylary sonyń modelinde zertteý sabaǵynyń josparyn qurastyrdy. Shuǵyla Qalıhanova men Kúnsaıa Ýtesheva ótkizgen sheberlik sabaqta jas ustazdar zertteý jumysyn daıyndaý prosesimen tanysty. Alańnyń taǵy bir ózekti taqyryby – «О́z emosııamyzdy basqaryp úıreneıik». Qyzjibek Abdramanova men Sáýle Jýrýntaeva óziniń jáne ózgeniń emosııasyn oqý, olardy basqarý jáne olardyń sebebin túsiný jóninde aıtty. Daýys tembri, ym-ıshara tili, dene músini, aroma-ımıdj – bul ustazdyń ımıdjin qalyptastyryp qana qoımaı, sabaq atmosferasyn quratyny sózsiz.
«Fýnksıonaldyq saýattylyqty arttyrý» taqyryp alańynyń trenerleri Qalamqas Abdıkarımova men Talǵat Mýkýtovtardyń pikirinshe, pedagogtiń basty maqsaty – bilimdi tek tájirıbede emes, ómirde de qoldanýǵa bolady. Qazirgi tańda fýnksıonaldyq saýattylyq anyqtamasyna daǵdy men tájirıbe, taldaý jáne túsiný, standartty emes ómirlik jaǵdaılar men synı turǵydan oılaý uǵymdary kiredi.
Tabys sınergııasyn qurý úshin muǵalim pedagogıkalyq, mazmundyq jáne tehnologııalyq bilimdi óz tájirıbesine qalaı kiriktire alady? Pedagogıkalyq sheberlik ortalyǵynyń trenerleri Rınat Ramazanov pen Baýyrjan Dilmanov TPACK Journey sheberlik synybynda forým delegattary úshin osy ózekti suraqqa jaýap berdi.
– Eger biz osy joldy tańdaǵan bolsaq, úzdiksiz bilim alýymyz kerek», – deıdi Batys Qazaqstan oblysyndaǵy T.Jarokov atyndaǵy Jánibek orta mektebi orys tili pániniń muǵalimi Jarqyn Halııarov.
– Meniń oıymsha, jas muǵalimderdiń tálimgeri fılosof bolýy kerek, – deıdi Soltústik Qazaqstan oblysyndaǵy Mamlıýt mektep-gımnazııasynyń aǵylshyn tili muǵalimi Rıza Hamıtova.
«Jas ustaz – 2023» delegattary forýmǵa bes degen baǵa qoıdy. Forým sońynda «Sáttilikke ıe bol» biregeı lotereıasy boldy. Onda barlyq jeńimpazǵa Pedagogıkalyq sheberlik ortalyǵynan vebınarlarǵa sertıfıkattar men elimizdiń barlyq muǵalimderi armandaıtyn Lesson box qorapshasy tabys etildi.
Alǵashqy «Jas ustaz: tabysqa aparar jol» respýblıkalyq forýmy 2022 jyldyń tamyz aıynda Astanada ótti. Sodan keıin barlyq óńirde aımaqtyq forýmdar uıymdastyryldy.
Suranysqa ıe forýmdar Pedagogıkalyq sheberlik ortalyǵynyń eńbek jolyn endi bastaǵan muǵalimderdiń kásibı damýy boıynsha aýqymdy jobany jalǵastyryp keledi. Ortalyqtyń online.cpm.kz platformasynda «Jas ustazdyń mektebi» ashyq onlaın-kýrsy ázirlendi, elimizdiń ár óńirinde «Jasampaz jas ustaz» klýbtary quryldy, sondaı-aq «Shamshyraq» alańy arqyly úzdik jas ustazdardyń tájirıbesi taratylady.
– Birinshi «Jas ustaz: tabysqa aparar jol» forýmy jas áriptesterimiz ár mekteptiń strategııalyq resýrsy ekenin dáleldedi. Olar qazirgi tańdaǵy bilim berýge jańa ıdeıalar men jańa sheshimderdi engizedi, balaǵa qolaıly atmosfera men sıfrlyq bilim berý ortasyn qalyptastyrady. Sonymen qatar forým tabysqa jetý jolynda eń kreatıvti jáne tabysty muǵalimderdi biriktiredi. Búgin biz barlyq óńirdegi aýyldyq mektepterdiń atynan qatysatyn ekinshi forýmnyń qatysýshylary da jańa býynnyń kásibıligine senim uıalatatynyna qýanyshtymyz, – dep atap ótti Pedagogıkalyq sheberlik ortalyǵynyń dırektory Janbota Kabdykarımova.
«Jas ustaz: tabysqa aparar jol» – taǵy da óziniń sımvoldyq ataýyn aqtady. Ekinshi respýblıkalyq forým elimizde jas muǵalimderdiń biliktiligin arttyrýdyń jańa shyǵarmashylyq alańy qurylǵanyn rastady. Olar qala men aýyldaǵy bilim arasyndaǵy alshaqtyqty shynymen de joıatynyna bek senimdi.
Kelesi jyly «Jas ustaz – 2023» delegattary forýmnan keıin ómirleriniń qalaı ózgergenin jáne asyl armandarynyń barlyǵynyń shyndyqqa aınalǵanyn aıtyp beredi.
