– Áskerı daıarlyqqa jáne komandırlerdiń kásibıligine joǵary talap qoıylady. Sondyqtan qazirgi zamanǵy urys jaǵdaıynda bólimsheler negizgi kúshten bólek, derbes áreket etýge daıyn bolýy qajet. Komandırler men bastyqtar batyl sheshim qabyldap nemese oryndy bastama kóterip, berilgen tapsyrmany oryndaý úshin tyń tásil qoldanýy kerek. Olar batyldyǵymen, tózimdiligimen jáne antqa beriktigimen kópke úlgi bolýy qajet. Áskerdiń kúshi – tártipte! Bul rette komandırlerdiń atqaratyn róli erekshe. Qarýly Kúshterdegi daıyndyqtyń joǵary deńgeıin, ózara úılesimdilikti jáne qatań tártipti saqtaý qajet. Árbir sarbaz ózine senip tapsyrylǵan qarý men tehnıkany jetik meńgerip, olardy urysta sheber qoldanyp, jedel sheshim qabyldap, batyldyq tanytýy kerek, – dep sózin túıindedi Prezıdent.
«Batyl toıtarys-2023» oqý-jattyǵý jıyny barysynda memlekettik jáne áskerı basqarý organdarynyń qorǵanys operasııasyn oryndaýǵa daıyndyǵy tekserildi. Ásker barlyq deńgeıdegi shtabtarda qabyldanǵan sheshimderdi tolyq júzege asyrdy.
Oqý-jattyǵý jıynyna barlyǵy 8 myń áskerı qyzmetshi jumyldyrylyp, 600 áskerı tehnıka men qarý-jaraq paıdalanyldy.
