Foto: gov.kz
Mańǵystaý oblysynyń ákimi Nurlan Noǵaev, atalǵan ýnıversıtettiń prezıdenti Berik Ahmetov, Muqyr Nııazulynyń urpaqtary jáne qonaqtar qatysqan aýdıtorııanyń saltanatty ashylýynan soń ardagerdiń ómirbaıany týraly fılm kórsetilip, stýdentterge qajetti barlyq quraldarmen jabdyqtalǵan jańa oqý aýdıtorııasyna ekskýrsııa júrgizildi.
«Onyń soǵys kezindegi erlikteri kópshilik úshin mańyzdy úlgi bolyp qala beredi. Munda oqıtyn stýdentterge ózderiniń batyr ata-babalarynyń ómirlerine qatysty aqparattardy zertteýge múmkindik týady. Muqyr Nııazulynyń urpaqtary oblystyń túrli salalarynda belsendi qyzmet etip jatyr», dep atap ótti oblys basshysy Nurlan Noǵaev.
Oblys ákiminiń baspasóz qyzmeti habarlaǵandaı, úsh soǵysqa qatysqan Muqyr Nııazuly soǵystan keıingi jyldary keshki mektepti bitirip, 1959 jyly KOKP OK joǵary mektebine oqýǵa túsken, 5 jyldan keıin saıasattanýshy-ekonomıst mamandyǵyn meńgergen. Komsomoldyń birinshi hatshysy bolyp jumys istegen, birneshe ret aýdandyq Keńestiń depýtaty bolyp saılanǵan.
