Bıylǵy maýsymnyń tusaýkeser kezdesýinde osy komandalardyń ekeýi de jeńilistiń kermek dámin tatqan edi. «Barys» О́feniń «Salavat Iýlaevynan» (2:3), al «Sibir» Ombynyń «Avangardynan» (1:2) utyldy. Bul joly jerlesterimiz básekeni óte qarqyndy bastady. Matchtyń 27 mınýtyna deıin Andreı Skabelkanyń shákirtteri qarsylastary qaqpasyn úsh márte dál kózdedi. Bul goldardyń avtorlary – Davıd Sklenıchka, Aleks Grant jáne Raılı Barber. Al odan keıin biz «Barysty» múlde tanymaı qaldyq. Úziliske deıin olar qonaqtarǵa tarazy basyn teńestirýge múmkindik berip qoıdy.
51 mınýtta Batyrlan Muratov astanalyqtardy alǵa shyǵarǵanda bir «ýh» dedik. Biraq kóp uzamaı «Sibirdiń» oıynshylary tablodaǵy esepti ózgertip qana qoımaı, overtaımda jeńisti julyp áketti – 4:5.
