Taıaýda jolǵa shyqqanymda №117 Qyzylorda – Pavlodar baǵytyndaǵy jolaýshylar poıyzynyń 5-vagonyndaǵy jolseriktiń jolaýshylarǵa degen elgezektigi rıza etpeı qoımady. Vagonnyń ishi tap-taza, shaıdyń býy burqyrap tur. Kún ystyqta qosylǵan kondısıonerdiń bireýge jaqqanmen, keıbireýge jaqpaýy da múmkin ǵoı. Bir apamyz kózine operasııa jasatqan ba, salqyn tıgizip alýdan qorqyp, «Mynany sóndirýge bolmaı ma?» degen ótinish aıtyp edi, jolserik jigit jalpy tártipti ózgerte almaıtynyn, biraq, qalasa kondısıoneri joq vagondardyń birinen oryn taýyp, aýystyryp berýge bolatynyn aıtyp, túsindirdi. Biraq, álgi apaı «ana vagonnan myna vagonǵa sekirip júrmeıin» degen soń, «Endi qaıtsem eken?» dep sál oılanyp turdy da, lyp etip baryp, odeıal ákelip, joǵarydan tómen qaraı kólegeılep apaǵa jel soqpaıtyndaı qorǵanysh jasap bere qoıdy. «Mynaýyń, qandaı durys boldy» degen apamyz rızashylyǵyn bildirip, alǵysyn jaýdyryp jatty.
Túnniń bir ýaǵynda jolseriktiń «Apa, búrisip jatyrsyz ǵoı, tońyp qalǵansyz ba?» dep, taǵy bir úlkendeý kisiniń aıaq jaǵyn odeıalmen qymtap jatqanyn kórip qaldym. Mundaı da jolserik bolady eken-aý... Qanshama jyl jol júrip, mundaıdy alǵash kórýim. Shynymdy aıtsam, tańǵaldym. Sosyn arnaıy baryp tanystym. Onyń aty-jóni – Aıan Sársenbaıuly Aldashev eken. Jolserik bolyp júrgenine 10 jyl tolypty.
– Bizdiń mindet – jolaýshylarǵa qyzmet kórsetý. Sol mindetimizge adal bolsaq, deıdi Aıan. Qandaı qarapaıymdylyq!
Árkim óz mindetine naq osyndaı túsinikpen qarasa, kóp nárse basqasha bolar edi. Jolserikterdiń de neshe túrlisin kórip júrmiz ǵoı. Endi olarǵa «Jolserik bolsańdar, Aıandaı bolyńdar!», degimiz keledi.
Ulytaý oblysy
