Polısııa parasaty

Saltanatty is-sharaǵa qa­­tysqan Jambyl oblysy PD bastyǵy Armanbek Baı­mýr­­zın, IIM ıdeologııalyq jáne ımıdjdik jumys depar­tamen­tiniń bastyǵy Al­bına Maham­betova sóz alyp, polısııanyń abyroı-bede­lin arttyrý úshin mundaı baıqaý­lardyń paıdasy zor ekenin atap ótti.

Baıqaýdyń ekinshi kúni Balasaǵun Ortalyq konsert zalynda tártip saqshylary «Parasatty polıseı» baı­qaýy­nyń eki kezeńi boıynsha baq synady. Saıys bastalar aldynda is-sharanyń qurmetti qonaǵy, Halyq Qaharmany Ǵazız Baıtasovtyń jubaıy Gúljamal Tájıeva quttyqtaý sóz sóıledi. Ár komanda ártúrli ult ókilderinen quraldy. Olar ózderiniń memlekettik tildi jetik meńgergenderin kórsetip, zańdar men kásibı termınderdiń qoldanylýy boıynsha bilimderin tanytyp, shyǵarmashylyq tapsyrmalardy múdirmesten oryndady.

Baıqaý qorytyndysy bo­ıynsha Qostanaı oblysy polısııa departamentiniń «Qos­tanaı saqshylary» komandasy júzden júırik shyǵyp, jeńimpaz atandy. Birinshi oryn Aqmola oblysy polısııa departamentiniń «Kókshe saqshylary» komandasyna buıyrdy. Al ekinshi oryndy Almaty qalasy PD «Uly dala saqshylary» jáne Shymkent qalasy PD «Megapolıs» komandalary ózara bólisti. Astana qalasy PD «Elorda qyrandary», Batys Qazaqstan oblysy PD «07 aımaq» jáne Jetisý oblysy PD «Qyran qus» komandalary júldeli úshinshi oryn tuǵyrynan kórindi. Sondaı-aq baıqaýdyń qazylar alqasy erekshe óner kórsetken qatysýshylardy birneshe atalym boıynsha marapattady. Oǵan qosa mem­lekettik tilde múdirmeı sóılep, jetik meńgergenin kórsete bilgen «Tili basqa, tilegi bir» atalymymen Aqtóbe oblysy polısııa de­partamentiniń qyzmetkeri Fo­lenveıder Vla­dı­mır Iýre­vıch marapattaldy.

Qazylar alqasynyń tór­aǵasy – «Qazaqstan KVN oda­ǵy» respýblıkalyq jas­tar qoǵamdyq birles­tigi­niń pre­zı­denti Esen Eleý­ken baı­qaý­dyń uıymdas­ty­rylýy­na, komandalardy daıar­laýǵa joǵa­ry baǵa berip, búginde po­lı­seıler qylmystardy ashyp qana qoımaı, daryndy jáne shyǵarmashylyq tulǵalar ekenin dáleldegenin atap ótti. Saltanatty rásimde Jambyl oblysy PD bastyǵy Armanbek Baımýrzın komandalarǵa qa­tys­qany úshin alǵys aıtyp, baıqaýdyń jeńimpazdary men júldegerlerin quttyqtap, gra­mo­talar, dıplomdar men baǵaly syılyqtar tabys etti. Is-shara estrada ánshi­leri Móldir Áýelbekova, Gúl­nur Orazymbetova, Aına Qal­ma­ǵambetova, Nurjan Beısenov qatysqan merekelik konsertpen aıaqtaldy.