Foto: akorda.kz
Qasym-Jomart Toqaev qol qoıǵan qujat 2023 jylǵy 6 qyrkúıekte Aqordanyń resmı saıtynda jarııalandy.
«Memleket basshysynyń ókimimen Nurmuhamed Ismanuly Baıǵaraev Qazaqstan Respýblıkasy Prezıdentiniń Baspasóz hatshysy laýazymyna taǵaıyndaldy», delingen resmı habarlamada.
Nurmuhamed Baıǵaraev ál-Farabı atyndaǵy Qazaq ulttyq ýnıversıtetin «Saıasattaný», «Bolashaq» baǵdarlamasymen Ulybrıtanııanyń Lankaster ýnıversıtetin «Jobalardy basqarý» mamandyqtary boıynsha támamdaǵan.
Buǵan deıin ol «Qazaqstan» Ulttyq telearnasynda saıası-saraptamalyq baǵdarlamalar men áleýmettik tok-shoýlar ázirlegen. Keıin respýblıkalyq «Egemen Qazaqstan» gazeti AQ Basqarma tóraǵasynyń keńesshisi, bas redaktorynyń orynbasary boldy. Sondaı-aq «Aıqyn» gazetiniń bas redaktory qyzmetin atqardy.
Jańa qyzmetke taǵaıyndalǵanǵa deıin ol Prezıdent baspasóz hatshysynyń orynbasary boldy.
