Jazarman jurt pen oqyrman qaýym Kenjebolat Joldybaı esimimen jaqsy tanys. Qazaqstan bas redaktorlar klýbynyń prezıdenti, aqberen jýrnalıst, bilikti saıasattanýshynyń kózi tirisinde birneshe kitaby jaryqqa shyqty.
Marqum Kenjekeń – kisilikte kósem, qalamgerlikte saýatty jan edi. Aralasqan azamattar uıymdastyrýshylyq qasıetin erekshe baǵalaıdy. Biz sóz etip otyrǵan bul eńbegine avtordyń ár jylda jazǵan maqalalary men suhbattary engizilipti. Maqalalarynyń birsypyrasy basylymdarda jarııalansa, keıbiri – jekelegen oı-tolǵam, tujyrymdar. Kenjebolat Joldybaıdyń jýrnalısterge bergen suhbattary hám belgili tulǵalardan alǵan suhbattary. Bul kisiniń basqa tulǵalar týraly jazǵan estelikteri men esse janryndaǵy materıaldary jáne bar. Al avtor týraly materıaldar kitaptyń sońyna toptastyrylypty.
Avtordyń maqalalary men suhbattarynda táýelsiz elimiz úshinshi onjyldyqta basynan ótkergen saıası ári rýhanı qubylystar jiti sóz bolǵanyn ańǵarý qıyn emes. Qoǵamdyq, áleýmettik máselelerge beıjaı qaramaǵany baıqalady. «Menińshe, problemalyq máselelerdi qoǵam belsendilik tanytqan kezde, sondaı-aq oppozısııalyq kúshterdi tarta otyryp, búkil múddeli taraptardyń qatysýymen ǵana sheshýge bolady. Saıyp kelgende buǵan bıliktiń ózi de múddeli ekendigine senimdimin, sebebi bılikke óziniń is-qımylyn baǵamdaýǵa múmkindik beretin dálme-dál ındıkator qajet», depti 2014 jyldyń 5 aqpanynda «Egemen Qazaqstan» gazetinde jarııalanǵan materıalynda.
О́zine, ómir súrgen ortasyna, urpaq tárbıesine asa muqııat qarap, alańdaýshylyq tanytyp, sońyna iz qaldyrǵan azamattyń murasy urpaq ıgiligine aınaldy dep senemiz.
