«Alstom» kompanııasy – zııatkerlik jáne ornyqty mobıldilik salasynda álemdik kóshbasshy. Kompanııa Astanada búkil ómirlik sıkl boıyna temirjol kóliginiń barlyq túrine arnalǵan arbalardy óndirý men olarǵa qyzmet kórsetýge mamandanǵan arbalardy óndirý jáne jóndeý ortalyǵyn alǵashqy bolyp ashty. Jańa ortalyqtyń alańy 8000 sharshy metrdi quraıdy. «Alstom»-nyń Qazaqstandaǵy damý jospary aıasynda kompanııa arbalardy óndirý jáne jóndeý jónindegi ortalyqty qurýǵa 15 mln eýrodan astam ınvestısııa salǵan. Endi onda 100-den astam maman-qyzmetker jumys isteıtin bolady.
Kásiporynnyń basym mindetteri – quramdas bólikterdiń qyzmet etý merzimin uzartý. Sóıtip, tıimdi tehnıkalyq qyzmet jasaý josparlary men barynsha paıdalaný daıyndyǵyn qamtamasyz etýge tıis. Sondaı-aq jetildirilgen kúıge negizdelgen tehnıkalyq qyzmet kórsetý fýnksııalary sııaqty sharalar arqyly operatorlarǵa arnalǵan menshiktiń jıyntyq qunyn ońtaılandyrý bolyp otyr.
Kompanııa óndirgen arbalar joǵary beriktiligimen erekshelenedi. Ol ártúrli tabıǵı-klımattyq jaǵdaılarda jumys isteı beretinimen de erekshelenedi. Sondaı-aq synǵan, maıysqan jaǵdaıda qaıta óńdeýge 98% jaramdy. Arbalardy óndirý jáne jóndeý ortalyǵy jabdyq óndirýshileriniń bilimi men tehnologııasyn ınnovasııalyq ázirlemelermen biriktiredi.
«Arbalardy óndirý jáne jóndeý ortalyǵymyz 25 jyl boıy «Alstom» júk jáne jolaýshylar elektrovozdaryna tolyq tehnıkalyq qyzmet kórsetýdi qamtamasyz etýde negizgi ról atqaryp keledi», deıdi Batys jáne Ortalyq Azııadaǵy basqarýshy dırektor Qanat Alpysbaev.
«Alstom» ómirlik sıkldi basqarý jáne tehnıkalyq sheshimder arqyly arbalar men olardyń quramdastarynyń minsiz jaı-kúıin jóndeý jáne kúrdeli jóndeý arqyly qalpyna keltire otyryp, ártúrli qyzmetti usynady. Ortalyq dóńgelek juptary men terbelis báseńdetkishterin jóndeýdi, 3D-ólshemderin, buzbaıtyn, buzylmaıtyn baqylaýdy júzege asyrady. Bularmen birge dóńgelek juptary men qozǵaltqyshtardyń synaqtaryn, sondaı-aq sıfrlyq óndiristik úderis negizinde júzege asyrylatyn osyǵan baılanysty basqa da jumystardy qamtıtyn arbalardyń toraptaryn jóndeýge múmkindik beredi. Sonymen qatar ortalyq «Alstom» kompanııasy óndirmegen temirjol kólik quraldarynyń quramdastaryna da qyzmet kórsete alady.
«Bul ozyq óndiristik nysan Qazaqstanda «Alstom» kompanııasynyń ındýstrııalandyrýyn damytýdyń nátıjesi boldy. Arbalardy óndirý jáne jóndeý ortalyǵymyz 25 jyl boıy «Alstom» júk jáne jolaýshylar elektrovozdaryna tolyq tehnıkalyq qyzmet kórsetýdi qamtamasyz etýde negizgi ról atqaryp keledi. Innovasııalyq jabdyqtar men qyzmetterdiń tolyq spektrine ıe bola otyryp, biz Qazaqstanda mobıldilikti qamtamasyz etýdegi senimdi seriktes retinde qoldaý kórsetýge qýanyshtymyz», dedi Q.Alpysbaev.
«Alstom» kompanııasynyń Batys jáne Ortalyq Azııada 1000-nan astam qyzmetkeri bar. Qazaqstanda, Ázerbaıjan men О́zbekstanda úsh ókildigi, bes qoımasy, servıstik ortalyǵy jáne eki zaýyty bar. Astana qalasyndaǵy elektrovozdardy óndirý men olarǵa qyzmet kórsetý jáne tartym transformatorlaryn shyǵarý jónindegi EQZ men Almaty qalasyndaǵy baǵyttamalyq burmalardy óndirý jónindegi KEP-te atalǵan kompanııanyń ıeliginde.
