Rýslan Seısembaevtyń aıtýynsha, Qazaqstanda terrorıstik qaýip turaqty túrde saqtalyp otyr. Jyl saıyn kem degende 2 terrorıstik shabýyldyń aldy alynady eken.
«Mysalmen aıtqanda, bıyl ǵana daıyndyqtyń erte kezeńinde Túrkistandaǵy Qoja Ahmet Iаsaýı kesenesin qoldan jasalǵan jarylǵysh qurylǵymen jarýdyń joly kesildi. Sondaı-aq Astanada adamdar jappaı jınalǵan jerlerde qarýly shabýyl jasaý áreketteri toqtatyldy. Bizge kelip túsken aqparat «ShYU-ǵa múshe memleketter úshin terrorıstik qaterlerdiń qalyptasýy birqatar ústem faktordyń áserinen bolady» degen qorytyndy jasaýǵa múmkindik beredi», dedi Rýslan Seısembaev ShYU otyrysynda.
Aıta ketsek, búgin Astanada Qazaqstannyń tóraǵalyǵymen Shanhaı yntymaqtastyq uıymynyń (ShYU) óńirlik terrorızmge qarsy qurylym RATS keńesiniń 40-otyrysy ótip jatyr.
